'सुंठीवाचून खोकला गेला'

प्रवीण आर्लेकर यांच्या बाबतीत बोलताना 'सुंठीवाचून खोकला गेला',अशी सुदिन ढवळीकर यांनी प्रतिक्रिया दिली.
'सुंठीवाचून खोकला गेला'

Sudin Dhavalikar 

Dainik Gomantak 

पणजी: भाजपने यापूर्वी आमदार फोडले आता ते संभाव्य उमेदवार फोडत आहेत. यावरून पक्षाची दयनीय स्थिती लक्षात येते, अशी घणाघाती टीका मगोपचे आमदार सुदिन ढवळीकर यांनी केली आहे. लाखो सभासदांचा दावा ठोकणारा आणि संघटनात्मक कामाचा डांगोरा पिटणारा पक्ष इतर पक्षांचे संभाव्य उमेदवार पळवू कसा शकतो ? असा प्रश्नही त्यांनी विचारला आहे. पणजीत घेतलेल्या पत्रकार परिषदेमध्ये ते बोलत होते.

<div class="paragraphs"><p>Sudin Dhavalikar&nbsp;</p></div>
कोठंबीतून मुख्यमंत्र्यांनी फोडला प्रचाराचा नारळ

यावेळी दीपक ढवळीकर यांच्यासह पक्षाचे संभाव्य उमेदवार आणि कार्यकारिणी सदस्य उपस्थित होते. सुदिन ढवळीकर (Sudin Dhavalikar) यांनी भाजप (BJP) सरकारवर टीका करत सरकार विविध प्रश्नांवर लोकांची फसवणूक करत असून इतर पक्षांचे संभाव्य उमेदवार पळवून नेत आहे. यातच मगो पक्षाचा (MGP) विजय असून भाजपचा नैतिक पराभव असल्याचंही ते म्हणाले.

वेगवेगळ्या प्रकारचे ब्लॅकमेलिंग करून आमच्या पक्षाचे संभाव्य उमेदवार पळवून नेले जात आहेत. पण जनता मगो आणि तृणमूल काँग्रेसच्या (TMC) पाठीमागे असून, ते या युतीला विजयी करतील. पुढील १० दिवसांत मोठ्या घडामोडी अपेक्षित असून अनेक नेते, कार्यकर्ते मगोच्या संपर्कात असून ते पक्षात प्रवेश करतील असेही ते म्हणाले.

<div class="paragraphs"><p>Sudin Dhavalikar&nbsp;</p></div>
...सर्वप्रथम गुदिन्हो यांनी आपल्या पदाची जाणीव ठेवावी: नारायण नाईक

भाजप सरकारचा नवा घोटाळा समोर

विधिमंडळामध्ये भाजपने खनिज महामंडळ स्थापन करण्याची घोषणा केली. मात्र, हे महामंडळ अस्तित्वात येण्यापूर्वीच डंप हाताळणीसाठी धोरणात्मक दुरुस्ती केली आणि दहा ते वीस दशलक्ष टन खनिज हाताळणी, विक्रीस काढण्याचा निर्णय जाहीर केला. राज्यात सध्या तरी शंभरहून अधिक दशलक्ष टन डंप आहेत. यावरून हा नवा घोटाळा समोर येत आहे अशी टीका ढवळीकर यांनी केली.

प्रवीण आर्लेकर (Pravin Arlekar) यांनी आमच्या पक्षाचा राजीनामा दिला आहे. गेल्या काही दिवसांपासून भाजप, मगो पक्षाचे संभाव्य उमेदवार पळवून नेत आहे. यातच भाजपचा पराभव असून मगोपचा विजय आहे. प्रवीण आर्लेकर यांच्या बाबतीत ''सुंठीवाचून खोकला गेला'' ही आपली प्रतिक्रिया आहे.

- सुदिन ढवळीकर, आमदार, मगो पक्ष

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com