Goa Assembly Election: 'गोव्यात शिवसेनेचं अस्तीत्व नगण्य'

गोव्यात शिवसेना (Shiv Sena) काँग्रेसची आघाडी होईल असं मला वाटत नसल्याचे केंद्रीय राज्यमंत्री रामदास आठवले यांनी पनवेलमध्ये बोलत असताना सांगितले.
Goa Assembly Election: 'गोव्यात शिवसेनेचं अस्तीत्व नगण्य'
Ramdas AthawaleDainik Gomantak

गोव्यात आगामी काळात विधानसभा निवडणूका होत आहेत. यातच सर्वच राजकीय पक्षांनी जोरदार तयारी सुरु केली आहे. केंद्रीय निवडणूक आयोगाने पाच राज्यांच्या विधानसभा निवडणूकांच्या तारखाही जाहीर केल्या आहेत. गोव्यातील आगामी विधानसभा चांगलीच रंगतदार होणार असल्याची चिन्हं दिसत आहे. भाजपला सत्तेपासून दूर ठेवण्यासाठी सर्वच राजकीय पक्ष चांगलेच तयारीला लागले आहेत.

यातच पश्चिम बंगालच्या मुख्यमंत्री ममता बॅनर्जी यांच्या तृणमुल कॉंग्रेस पक्षाने देखील गोव्याच्या विधानसभा निवडणूकीत एन्ट्री केली आहे. याच पाश्वभूमीवर गोव्यात महाराष्ट्राप्रमाणे महाविकास आघाडीचा प्रयोग सफल करण्यासाठी शिवसेना खासदार संजय राऊत प्रयत्न करत आहेत. तर दुसरीकडे कॉंग्रेस स्वबळावर यंदाची निवडणूक लढविण्याची तयारी करु लागली आहे. कॉंग्रेसने स्थानिक पक्ष असलेल्या गोवा फॉरवर्ड पक्षाबरोबर युती केली आहे.

दरम्यान, ''गोव्यात शिवसेनेचं अस्तीत्व नगण्य आहे. शिवसेनेने अनेक वेळा प्रयत्न करुन ही एकदाही आमदार निवडून येऊ शकला नाही. गोव्यात शिवसेना काँग्रेसची आघाडी होईल असं मला वाटत नसल्याचे केंद्रीय राज्यमंत्री रामदास आठवले (Ramdas Athawale) यांनी पनवेलमध्ये बोलत असताना सांगितले.

तसेच ते पुढे म्हणाले, 'भाजपला गोवा जिंकण्यात अशक्य काहीच नाही. गोव्यात काँग्रेसमध्ये मोठी फूट पडली आहे. गोव्यातील 40 जागांवर आरपीआयने भाजपला पाठिंबा दिला आहे.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com