Utpal Parrikar Live: गोव्यात दिवसागणिक येत्या विधानसभा निवडणुकीच्या पार्श्वभूमीवर अनेक घडामोडी घडताना दिसत आहे. निवडणूक अवघ्या काही दिवसांवर असतानाही राजकीय नेते पक्षांतर करताना दिसत आहे. उमेदवारी न मिळाल्याने काही नेते आपल्या पक्षाला सोडचिठठी देत आहेत. हे सर्व जरी असले तरी मागील काही दिवसात गोव्यातील एक मुद्दा चांगलाच चर्चेत होता. मनोहर पर्रीकर (Manohar Parrikar) यांचे पुत्र उत्पल पर्रीकर (Utpal Parrikar) यांच्या भाजप उमेदवारीच्या चर्चा सर्वदूर पसरल्या होत्या.
काहीही झाले तरी ही विधानसभा निवडणूक (Goa Assembly Elections 2022) लढवणारच असा ध्यास घेतलेले उत्पल पर्रीकर यांना स्वत:च्या पक्षानेच डावलले. पणजीतून लढण्यासाठी भाजपने (BJP) त्यांना उमेदवारी नाकारली आहे. त्यामुळे विरोधी पक्ष आप आणि शिवसेनेतर्फे त्यांना संधी देण्याचे आश्वासन मिळाले. पण अद्याप तरी उत्पल यांनी कोणत्या पक्षासोबत निवडणूक लढवणार ही निश्चित केले नाही. या पार्श्वभूमीवर त्यांनी आपला निवडणुकीचा अजेंडा जाहीर करण्यासाठी आज पत्रकार परिषदेचे आयोजन केले आहे.
पत्रकारांशी संवाद साधताना ते म्हणाले की, मी आजवर पक्षाशी निष्ठेने राहिलो आहे. माझे वडील असताना त्यांनी गोव्यासाठी आणि एकंदरीत या पक्षासाठी खूप मोलाचे सहकारी केले आहे. पण आता हा पक्ष आधीसारखा राहिलेला नाही. मला पक्षाने जारी उमेदवारी नाकारली असली तरीदेखील मी ही निवडणूक लढवणार आहे. मी शेवटी ठरवले आहे की मी ही निवडणूक पणजीतून अपक्ष म्हणूनच लढणार आहे.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
