शिवोलीत माझ्या कारकिर्दीत सर्वाधिक विकास झाला: विनोद पालयेकर

विनोद पालयेकर: गोवा फॉरवर्डचा उमेदवार म्हणून लोकांसमोर गेलो असतो, तर लोकांकडून हेळसांड झाली असती.
Vinod Palyekar
Vinod PalyekarDainik Gomantak

शिवोली: शिवोलीच्या जनतेने आपल्याला 2017 साली निवडून दिल्याने शिवोलीचा विकास करणे माझे कर्तव्य होते. त्यानुसार गेल्या पाच वर्षांच्या काळात मी सर्वाधिक विकास केलेला आहे. प्रतिस्पर्धी उमेदवारांकडून विधानसभा निवडणुकीच्या तोंडावर शिवोली अविकसित राहिल्याचा आरोप केला जात आहे. या गोष्टीला आपण नव्हे, तर सत्तास्थानी असलेले सरकारच अधिक जबाबदार असल्याचा आरोप शिवोलीचे अपक्ष उमेदवार विनोद पालयेकर यांनी सांगितले.

Vinod Palyekar
मोदींचे अच्छे दिन कुठे आहेत म्हणून दिगंम्बर कामत यांनी उपस्थित केला प्रश्न

प्रचार फेरीची समाप्ती करताना स्थानिक प्रसार माध्यमांशी ते बोलत होते. गेली अठरा ते वीस वर्षे अविकसित राहिलेली शिवोली पंचक्रोशी आणि येथील खुंटलेला विकास या गोष्टीला माझा कार्यकाळ कारणीभूत नसून गेली वीस वर्षे शिवोलीत राज्यकारभार हाकणारे प्रस्थापित राजकारणीच असल्याचे त्यांनी सांगितले. शिवोलीत अपक्ष या नात्याने उतरण्याचा माझा निर्णय स्वतःचा आहे. त्यामुळे गोवा फॉरवर्डला दोष देण्याची बिल्कुल गरज नसल्याचे पालयेकर यांनी सांगितले.

Vinod Palyekar
गोव्यात पुढील दोन दिवस उष्ण तपमान; IMD चा अंदाज

गोवा फॉरवर्डचा उमेदवार म्हणून लोकांसमोर गेलो असतो, तर लोकांकडून हेळसांड झाली असती. परंतु आज अपक्ष म्हणून जाताना जोरदार पाठिंबा मिळत असल्याचे पालयेकर यांनी सांगितले. माझ्या मत्रिपदाच्या कार्यकाळात मी सदोदित समाजाचे भले करण्याचा प्रयत्न केला, परंतु दरम्यानच्या काळात उद्भवलेल्या कोविड महामारीने विकासकामांवर मर्यादा आणल्याचे त्यांनी यावेळी सांगितले. जनतेने पुन्हा संधी दिल्यास शिवोलीचा संपूर्ण विकास साधणार आहे. आपण केलेल्या कामांची हमी देत स्थानिक मतदार आपल्याला भरघोस मतांनी विजयी करणार असल्याचे शेवटी पालयेकर यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com