SSC Board Exam Result: गोवा माध्यमिक आणि उच्च माध्यमिक शिक्षण मंडळाने (GBSHSE) घेतलेल्या दहावीच्या परीक्षेचा निकाल या आठवड्यात जाहीर केला जाणार आहे. बोर्डाने एका महत्त्वाचा निर्णय घेतला आहे. 2023-24 या शैक्षणिक वर्षासाठी दहावीच्या अनुत्तीर्ण विद्यार्थ्यांना अकरावीत प्रवेश घेण्याची परवानगी देण्यात येणार आहे.
गेल्या महिन्यात राज्यभरातील 31 केंद्रांवरून 10,411 मुले आणि 10,078 मुलींनी दहावीची परीक्षा दिली होती. सर्व उच्च माध्यमिक शाळांना जारी केलेल्या परिपत्रकात, गोवा बोर्डाने एप्रिल 2023 च्या SSC बोर्ड परीक्षेत जास्तीत जास्त दोन विषयांमध्ये अनुत्तीर्ण झालेल्या सर्व अनुत्तीर्ण विद्यार्थ्यांना इयत्ता अकरावीत प्रवेश देण्यास सांगितले आहे आणि त्यांना उपचारात्मक शिकवणी देण्यास सांगितले आहे.
कोविड-19 महामारीमुळे 2021-22 शैक्षणिक वर्ष सुरू होण्यास झालेला विलंब आणि आंशिक ऑनलाइन वर्ग लक्षात घेऊन गेल्या शैक्षणिक वर्षात ही गोष्ट सुरू करण्यात आली होती.
यंदाही दहावीच्या अनुत्तीर्ण विद्यार्थ्यांना ही सुविधा देण्याचा निर्णय बोर्डाने घेतला आहे. एका परिपत्रकात सर्व उच्च माध्यमिक शाळांच्या मुख्याध्यापकांनी शाळा प्रमुखांशी समन्वय साधून योग्य ती कार्यवाही करण्याचे निर्देश दिले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
