राज्यात 11 हजार बेकायदा हॉटेल्स; कारवाईचे आदेश

या पार्श्वभूमीवर पर्यटनमंत्री रोहन खवंटे यांनी या बेकायदा हॉटेल्‍सवर कारवाईचे आदेश दिले आहेत.
Goa Hotel
Goa HotelDainik Gomantak

पणजी: राज्‍यात सुमारे 11 हजार बेकायदा हॉटेल्‍स सुरू असल्‍याचे निवेदन गोवा स्मॉल अँड मीडियम हॉटेलियर्स असोसिएशनने पर्यटन खात्‍याकडे दिले होते. या पार्श्वभूमीवर पर्यटनमंत्री रोहन खवंटे यांनी या बेकायदा हॉटेल्‍सवर कारवाईचे आदेश दिले आहेत.

(11,000 illegal hotels in the goa; Order of action)

Goa Hotel
गोमेकॉसमोरील गाळे विक्रेत्‍यांना मोफत का द्यायचे?

याबाबत पत्रकारांशी बोलताना मंत्री खंवटे म्‍हणाले, संबंधित हॉटेल्सची कोणतीही नोंदणी संबंधीत सरकारी खात्‍याकडे नाही. याबाबत गोवा स्मॉल अँड मीडियम हॉटेलियर्स असोसिएशनने पर्यटन खात्‍याकडे तक्रार वजा निवेदन दिले होते. बेकायदा हॉटेल्‍सवर नियंत्रण आणण्यासाठी पर्यटन खात्‍याने यापूर्वीच सर्व आस्थापनांना खात्‍याच्‍या पोर्टलवर नोंदणी करण्यास सांगितले आहे. पर्यटनपूरक व्‍यवसाय करणाऱ्यांसाठी खात्‍याच्‍या पोर्टलवर नोंदणी करणे आवश्‍यक आहे. ज्‍या व्‍यावसायिकांना अद्याप नोंदणी केली नसेल त्‍यांनी तातडीने करावी, अन्‍यथा कायदेशीर कारवाई केली जाईल.

राज्‍यातील अनेक उद्योजक, व्‍यावसायिक सर्वप्रकारचे सरकारी कर भरत असताना कायदा धाब्‍यावर बसवून व्‍यवसाय करणाऱ्यांची आम्‍ही गय करणार नाही. अशा व्‍यवसायांमुळे राज्‍याचा महसूल बुडतो. सरकारने राज्‍यातील पर्यटनस्‍थळांवर तसेच समुद्र किनाऱ्यांवर बेकायदा आणि अवैध उद्योग-धंदे करणाऱ्यांवर कारवाईचे सत्र अवलंबले आहे. बेकायदा हॉटेल्‍सविषयी माहिती देऊन असोसिएशनने चांगले काम केले आहे, असेही मंत्री खंवटे म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com