Goa Mining Auction: राज्य सरकारच्या खाण आणि भूगर्भशास्त्र खात्याच्या वतीने जाहीर केलेल्या आणखी पाच खनिज ब्लॉक्ससाठी 16 कंपन्या इच्छुक असल्याचे आज खात्याचे संचालक डॉ. सुरेश शानभोग यांनी जाहीर केले.
इच्छुक खाण कंपन्यांच्या प्रतिनिधींची प्री-बिडींग मीटिंग झाली. यामध्ये या 16 इच्छुक कंपन्या असल्याचे स्पष्ट झाले. 17 मार्चपर्यंत कंपन्यानी प्रत्येकी 5 लाख रुपये भरून खनिज लिलावात सहभागी होऊ शकतात.
ही लिलाव प्रक्रिया 27 एप्रिलपर्यंत चालेल. यासाठी एसबीआय कॅप आणि एमएसटीसी सक्रिय असून ही संपूर्ण प्रक्रिया ऑनलाइन होत आहे.
पाच ब्लॉक्सची विक्री होणार
राज्य सरकारच्या खनिज आणि भूगर्भशास्त्र खात्याच्या वतीने पहिल्या चार खनिज ब्लॉकची यशस्वी विक्री केल्यानंतर आता आणखी 5 ब्लॉक्स विक्रीसाठी खुले करण्यात आले आहेत.
अडवलपाल - थिवी, कुडणे - करमळे, कुडणे, थिवी - पिर्ण, सुर्ल - सोनशी असे हे नवीन पाच खनिज ब्लॉक्स लिलावासाठी खुले केले आहेत. 27 मार्चपर्यंत बोलीधारकांना आपल्या निविदा दाखल करता येतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
