Mopa Airport : पर्रीकर की बांदोडकर?; मोपा विमानतळ नामकरणावरून दोन मतप्रवाह

नव्याने सुरू होत असलेल्या आंतरराष्ट्रीय मोपा विमानतळाला नाव कोणाचे द्यावे?, यावरून वादाला तोंड फुटले आहे.
Mopa International Airport | Goa Marathi News | Goa News
Mopa International Airport | Goa Marathi News | Goa NewsDainik Gomantak

Mopa Airport : नव्याने सुरू होत असलेल्या आंतरराष्ट्रीय मोपा विमानतळाला नाव कोणाचे द्यावे?, यावरून वादाला तोंड फुटले आहे. काहींनी मते गोव्याचे भाग्यविधाते म्हणून ओळखले जाणारे पहिले मुख्यमंत्री दयानंद उर्फ भाऊसाहेब बांदोडकर यांचे नाव असावे, तर गोव्याचे आधुनिक शिल्पकार म्हणून परिचित असलेले दिवंगत मनोहर पर्रीकर यांचे नाव द्यावे, अशी मागणी जोर धरत आहे. यामुळे पर्रीकर की बांदोडकर?, यावरून दोन मतप्रवाह व्यक्त होत आहेत.

‘पर्रीकर आणि बांदोडकर या दोघांचेही योगदान महत्त्वाचे आहे. पण पर्रीकरांचेच नाव योग्य आहे, असे माझे वैयक्तिक मत आहे. मात्र, सरकारचा निर्णय आपल्याला मान्य असेल, असे मत माजी आमदार सिद्धार्थ कुंकळयेकर यांनी व्यक्त केले. तर दुसरीकडे ‘पर्रीकरांच्या नावाला माझा वैयक्तिक विरोध नाही. तरी पण गोव्याचे भाग्यविधाते म्हणून ओळखले जाणारे भाऊसाहेब बांदोडकर यांचेच नाव असावे, अशी भूमिका समाज कार्यकर्ते प्रा. सुभाष वेलिंगकर यांनी मांडली. दरम्यान, ‘मोपा’ला कोणतेही नाव दिले तरी आंतरराष्ट्रीय पातळीवर गोवा ग्रीनफिल्ड मोपा विमानतळ असेच ओळखले जाण्याची शक्यता आहे.

Mopa International Airport | Goa Marathi News | Goa News
Mopa Airport : ‘मोपा’ला मिळणार मनोहर पर्रीकरांचे नाव

बांदोडकरांनी गोव्याची अस्मिता टिकवण्याचा प्रयत्न केला. विमानतळाला भाऊसाहेबांचे नाव देण्याचे वचन पर्रीकरांनी यापूर्वी पेडणेकरांना दिले होते. त्याचे आता पालन व्हायला हवे. त्यामुळेच ‘मोपा’ला बांदोडकरांचे नाव देऊन त्यांना अजरामर करावे, अशी मागणी प्रा. सुभाष वेलिंगकर यांनी केली आहे.

तर ‘मोपा’ला पर्रीकरांचेच नाव हवे. गोव्यासाठीच नव्हे तर देशासाठी त्यांचे योगदान मोठे आहे. ते असते तर विमानतळावरील नोकऱ्यांत अन्याय झाला नसता. विमानतळाला ज्यांच्या जमिनी गेल्यात, त्यांना वंचित ठेवण्यात येऊ नये, अशी मागणी आमदार प्रवीण आर्लेकर यांनी केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com