पणजी : पणजीजवळच असलेल्या बांबोळी परिसरात आज सोमवारी दोन कदंब बसचा विचित्र अपघात पाहायला मिळाला. दुचाकी आणि कारला वाचवण्याच्या नादात कदंब चालकाने मारलेल्या ब्रेकमुळे दोन बस धडकून अपघात झाला आहे. या अपघातात दोन्ही बसचं मोठं नुकसान झालं आहे.
बांबोळी परिसरात कदंबच्या इलेक्ट्रिक बस आणि साध्या बसचा अपघात झाला आहे. एसी बसच्या चालकाने दिलेल्या माहितीनुसार बससमोर अचानक एक दुचाकी आणि कार घुसले. त्यामुळे त्यांना वाचवण्यासाठी चालकाने ब्रेक मारला. मात्र अचानक ब्रेक मारल्याने मागून येणारी साधी कदंब बस एसी बसला धडकली. यात साध्या कदंब बसच्या दर्शनी भागाचे मोठे नुकसान झाले असून एसी बसचंही नुकसान झालं आहे.
बस अपघातात अनेक प्रवाशांना किरकोळ इजा झाली. मात्र अपघातस्थळावरुन रुग्णालयात जाण्यासाठी रुग्णवाहिकाही उपलब्ध न करुन दिल्याचा आरोप काही प्रवाशांनी केला. मात्र दुसरीकडे प्रवासी स्वत:हूनच उतरुन जवळच असलेल्या रुग्णालयात गेल्याचं नॉन एसी कदंबच्या चालकाचं म्हणणं आहे. अपघातात 3-4 जण गंभीर जखमी झाले असून त्यांच्यावर गोमेकॉमध्ये उपचार सुरु आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
