मडगाव : बनावट नोटा वितरित करणाऱ्या आंतरराज्य टोळीतील आणखी दोन संशयिताना कारवार पोलिसांनी गुरुवारी मडगावातून ताब्यात घेतले. ही टोळी 500 रुपयाच्या एका नोटेला बनावट 4 नोटा देत होती अशी माहिती पुढे आली आहे.
कारवार पोलिसांनी अटक केलेल्या संशयितांची नावे मुश्ताक हुसेन बेग (43) आणि अफझल हुसेन बेग (45) अशी नावे असून पोलिसांनी त्यांच्याकडून बनावट नोटा, प्रिंटर आणि बनावट नोटा छापण्याचे इतर साहित्य जप्त केले आहे. त्यांना मदत करणारे त्यांचे कुटुंबीय सीमा बेग आणि अष्मा बेग यांनाही कारवार पोलिसांनी ताब्यात घेतले आहे.
यापूर्वी 7 मे रोजी कारवार पोलिसांनी कारवार येथील एका हॉटेलवर धाड घालून प्रवीण नायर, लोयड स्टिव्हस, लार्सन सिल्वा व प्रनोय फेर्नांडिस यांना अटक केली होती. बनावट नोटा प्रकरणी यापूर्वीच अटकेत असलेल्या चारही आरोपींची पोलीस कोठडीत रवानगी करण्यात आली आहे. मडगाव, फातोर्डातील अटक करण्यात आलेल्या तीन संशयितांसह चौघांनाही 14 दिवसांची पोलीस कोठडी कोर्टाने सुनावली आहे. कारवार पोलिसांकडून मुख्य संशयित मुश्ताक बेग याचा शोध अजूनही सुरुच होता. अखेर त्याच्या मुसक्या आवळण्यात पोलिसांना यश आलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
