पर्वरी : प्राप्त माहितीच्या आधारे पर्वरी पोलिसांनी शनिवारी नाना नानी पार्कजवळील शेडमध्ये छापा टाकून अडीच लाखांचा अंमलीपदार्थ जप्त करून एका संशयिताला अटक केली.
पर्वरी पोलिसांनी दिलेल्या माहितीनुसार शनिवारी (दि.11) दुपारी एकता नगर येथील नाना नानी पार्कजवळील शेडमध्ये अंमलीपदार्थ विक्रीसाठी जयवंत शिरोडकर (34,एकता नगर) आल्याची माहिती खबरीकडून मिळाली असता ताबडतोब उपनिरीक्षक प्रतीक भट, महिला उपनिरीक्षक प्रणिता मांद्रेकर यांनी पोलीस ताफ्यासह तिथे जाऊन शिरोडकर यास रंगेहाथ पकडले.
त्याच्याकडून सुमारे 2.5 किलो अंमलीपदार्थ जप्त केला. त्याची किंमत सुमारे 2 लाख 54, 800 रुपये असल्याचे समजते. पोलिसांनी आरोपीवर गुन्हा नोंदविला असून त्याला उद्या त्याला न्यायालयात हजर करून रिमांड घेण्यात येणार आहे. उपअधीक्षक विश्वेश कर्पे आणि निरीक्षक अनंत गावकर यांच्या मार्गदर्शनाखाली उपनिरीक्षक भट तपास करीत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
