दोन श्रमिक रेलगाड्यांतून २५५५ मजूर बिहारकडे रवाना

दोन श्रमिक रेलगाड्यांतून २५५५ मजूर बिहारकडे रवाना

नावेली

मडगाव रेल्वे स्थानकावरून आज दोन श्रमिक रेलगाड्या बिहार राज्यातील २५५५ मजुरांना घेऊन रवाना झाल्या. रेल्वे क्रमांक ०५०२२ मधून अटारीया - बिहारला १४७४ मजूर, तर रेल्वे क्रमांक ०५०२४ मधून बंका - बिहारसाठी १०८१ मजूर रवाना झाले.
शनिवारी अटारीया व बंका बिहारसाठी मडगावातून २ रेल्वे सोडण्यात आल्या होत्या. त्यातून ३२२८ मजुरांना पाठवून देण्यात आले होते, अशी माहिती कोकण रेल्वेचे वरिष्ठ जनसंपर्क अधिकारी बबन घाटगे यांनी दिली.
बिहार राज्यात जाण्यासाठी सुमारे १५ हजार मजुरांनी ऑनलाइन नाव नोंदणी केली आहे. राज्याच्या मागणीनुसार बिहारसाठी रेल्वे सोडण्यात येणार असल्याचे घाटगे यांनी सांगितले.
गोव्यात एकूण १ लाख २५ हजार मजुरांनी आपल्या गावी जाण्यासाठी नावनोंदणी केली होती. त्यापैकी सुमारे ७० हजार विविध राज्यातील मजूर आपल्या गावी रेल्वे व बसने गेले असून अनेकजण आपल्या मूळ गावी जाण्यासाठी रेल्वेची वाट पाहात आहेत.
मडगाव, थिवी व करमळी रेल्वे स्थानकावरून श्रमिक रेल्वे गाड्या सोडण्यात आल्या. सुमारे ४५ श्रमिक रेल्वे गाड्यांमधून ५० हजार मजूर आपल्या गावाला गेले.
दिल्ली ते मडगाव राजधानी एक्सप्रेस रद्द करण्याची मागणी गोवा सरकारने केंद्र सरकारकडे केल्याने गेले दहा दिवस ती बंद आहे. तिरूअनंतपुरम ते दिल्ली व दिल्ली ते तिरुअनंतपुरम ही राजधानी एक्सप्रेस सुरू आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com