Goa : म्हापशाजवळच असलेल्या वेर्ला परिसरात दुचाकींना अज्ञाताने आग लावल्याने एकच खळबळ उडाली आहे. फ्रेतसवाडा वेर्ला येथे 3 दुचाकी आगीत जळून खाक झाल्या. योगेश मांद्रेकर यांच्या दुचाकींसह शेजारीच उभ्या असलेली चारचाकीचं आगीमुळे मोठं नुकसान झालं आहे. या संपूर्ण प्रकरणात घातपाताचा प्रकार असल्याची परिसरात चर्चा आहे.
बार्देश तालुक्यात दुचाकी जाळण्याची ही काही पहिली घटना नाही. याआधी कांदोळीत अशाच प्रकारे दुचाकींचं जळीतकांड समोर आलं होतं. किनाऱ्यावर लोकांच्या जीवाचं रक्षण करणाऱ्या लाईफगार्ड्सच्या दुचाकी अज्ञाताने जाळल्या होत्या. कांदोळी किनाऱ्यावर लाईफगार्डच्या दुचाकींना अज्ञाताने आग लावल्याने एकच खळबळ उडाली होती. महत्त्वाची गोष्ट म्हणजे दोन दुचाकींमधील पेट्रोल काढूनच इतर सर्व दुचाकी पेटवण्यात आल्या आहेत. लाईफगार्ड्सना राहण्यासाठी दिलेल्या फ्लॅटखालीच या दुचाकी पेटवण्यात आल्या आहेत.
दुसरीकडे काही महिन्यांपूर्वी पणजीतील काम्पाल मैदानाशेजारी दोन गाड्यांना भीषण आग लागल्याने दोन्ही गाड्यांचे नुकसान झाले होते. अग्निशमन विभागाच्या कर्मचाऱ्यांनी आग आटोक्यात आणली होती. काम्पाल मैदानाशेजारी काही स्क्रॅपची वाहने लावलेली असतात. त्यातच अज्ञात माथेफिरुने ही आग लावल्याची चर्चा रंगली होती. आता पुन्हा म्हापशात अशाचप्रकारे गाड्या पेटवण्याचा प्रकार समोर आल्यामुळे पोलिसांसमोर आणखी एक आव्हान उभं राहिलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
