Goa Crime: कर्नाटकच्या 3 दुचाकी चोरट्यांना अटक; कुडचडे पोलिसांची कामगिरी

Goa Crime: कर्नाटकात तसेच गोव्यात दुचाकी चोरणाऱ्या तिघा चोरट्यांना कुडचडे पोलिसांनी अटक केली आहे. हे तिघेही मुळचे कर्नाटकतील रहिवाशी आहेत. या तिघांनी कर्नाटकसह गोव्यातही दुचाकी चोरल्या होत्या. या तिघांकडून दुचाकींसह फोन जप्त करण्यात आले आहेत.

आफताब तबरेज खान (वय 21), संतोष बसवराजू कुमार (20), अस्लम इजाज शेख (18) अशी या संशयित आरोपींची नावे आहेत. यातील आफताब खान हा मूळचा हुबळी, कर्नाटक येथील आहे. तर संतोष आणि असल्म हे दोघेही मुळचे कर्नाटकचे आहेत.

या तिघांनी मिळून कर्नाटकातील धारवाड, हुबळी येथील दुचाकींची चोरी केली होती. या तिघांकडून पोलिसांनी दोन दुचाकी आणि मोबाईल फोनही जप्त केले आहेत. दरम्यान, आफताब खान हा कुडचडे पोलिसांनाही एका चोरी प्रकरणात हवा होता.

एका चोरीच्या प्रकरणात तो फरार होता. तर संतोष कुमार याच्यावर डिचोली येथील एक दुचाकी चोरल्याचा आरोप आहे.