पोंडा उपजिल्हा रुग्णालयाने कोरोना चाचणी घेतल्यानंतर उत्तर प्रदेशातील चार नागरिकांची कोरोना चाचणी पॉझिटिव्ह आली होती. त्यांना कळल्यानंतर ते चार कामगार बेपत्ता झाले असल्याची माहिती एका अधिकाऱ्याने दिली आहे. सर्व पुरुष असून प्रासंगिक मजूर म्हणून काम करत होते. 23 एप्रिल रोजी त्यांची कोरोनाची चाचणी घेण्यात आली होती आणि त्यांची चाचणी पॉझिटिव्ह आल्याची माहिती त्यांना सोमवारी दूरध्वनीवरून देण्यात आली होती. त्यांना चाचणी पॉझिटिव्ह आल्याचे सांगण्यात आले तेव्हा त्यांनी लगेच फोने बंद केला. मंगळवार रात्रीपर्यंत त्यांचा कसलाही शोध लागला नसल्याचे सूत्रांनी सांगितले. (4 corona positive patients from Uttar Pradesh missing from Goa)
रुग्णालयाने हे प्रकरण पोंडा पोलिसांना कळवले, परंतु अद्याप पोलिस त्यांना शोधू शकलेले नाहीत. रुग्णालयाने त्यांचे तपशीलवार पत्ते रेकॉर्ड केलेले नाहीत आणि परिणामी कामगार झोपडीत राहतात म्हणून त्यांचा शोध लागला शकला नाही असे एका पोलीस अधिकाऱ्याने सांगितले आहे. मंगळवारी पोंडाचे मामलेदार राजेश साखळकर यांनी पोलिसांना या चौघांविरोधात एफआयआर नोंदविण्याचे निर्देश दिले व त्यांचा शोध लागल्यानंतर त्यांना फातोर्डा स्टेडियममधील कोविड केअर सेंटर येथे पाठवावे, असे सांगितले.
राज्यात कोरोनाचा प्रादूर्भाव (Corona Second Wave) पुन्हा एकदा वाढू लागला आहे. यामुळे दिवसेंदिवस कोरोनाबाधितांची संख्या वाढतच चालली आहे. याचा पाश्वभूमीवर गोव्यात संपूर्ण लॉकडाऊन (Goa Lockdown) लावण्याचा निर्णय मुख्यमंत्री प्रमोद सावंत (Pramod Sawant) सरकारने घेतला आहे. पाच दिवसांचा लॉकडाऊन उद्यापासून सुरु होणार आहे. कोरोनाबाधितांची संख्या वाढत असल्याने राज्यातील आरोग्य व्यवस्था पुरती कोलमडून पडली आहे. विशेष म्हणजे गोवा राज्य कर्नाटकनंतर (Karnataka) दुसरं राज्य आहे जिथं लॉकडाऊन लावण्याचा निर्णय घेण्यात आला आहे
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.