कदंब महामंडळाच्या  40 आंतरराज्य बससेवा बंद

kadamb bus.jpg
kadamb bus.jpg

पणजी :  महाराष्ट्र व कर्नाटक या राज्यांनी कोरोना नियंत्रणासाठी कडक लॉकडाऊन लावल्यामुळे या राज्यात जाणाऱ्या कदंब महामंडळाच्या सुमारे 40 आंतरराज्य बसेस बंद ठेवाव्या लागल्या आहेत. कदंब महामंडळाचे सरव्यवस्थापक संजय घाटे यांनी दिलेल्या माहितीनुसार महाराष्ट्र व कर्नाटक राज्यामध्ये  बेसुमार वाढलेला कोरोना नियंत्रणात आणण्यासाठी दोन्ही राज्यांनी  कडक प्रतिबंध लावले आहेत. लॉकडाऊन सदृश्य हे निर्बंध असून त्यामुळे  सार्वजनिक वाहतूक बंद आहे. याचा परिणाम म्हणून कदंब महामंडळाच्या या दोन्ही राज्यांमध्ये ये-जा करणाऱ्या चाळीस बसेस कदंब महामंडळाला बंद कराव्या लागल्या आहेत. (40 inter-state bus services of Kadamba Corporation closed) 

कर्नाटक राज्यातील बेळगाव, सौंदत्ती, धारवाड, हुबळी, हॉस्पेट,  बेंगळूरु , मंगळूरु आदी ठिकाणी कदंब महामंडळाच्या बसेस ये-जा करत होत्या. त्याचबरोबर महाराष्ट्रातील कोल्हापूर, पुणे , सांगली,  मुंबई या भागामध्ये मोठ्या प्रमाणात कदंब महामंडळाच्या बसेस ये-जा करत होत्या . कोरोना संकटामुळे या दोन्ही राज्यात  लॉकडाऊन लागल्यामुळे ४० बसेस बंद ठेवाव्या लागल्या आहेत अशी माहिती घाटे यांनी दिली. या दोन्ही राज्यांनी लॉकडाउन  उठवल्यानंतर व सार्वजनिक वाहतूक सुरू झाली तर पुन्हा  कदंबच्या बसेस सुरू केल्या जातील, असेही घाटे यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com