Goa Covid-19: पुन्हा चिंता वाढली; कोरोनाचे सलग दुसऱ्या दिवशी पाच बळी

कुळे पोलिस स्थानकाशी संबंधित बारा पोलिस कर्मचाऱ्यांना कोरोनाची (Goa Covid-19) लागण झाल्याचे स्पष्ट झाले आहे.
Goa Covid-19
Goa Covid-19Dainik Gomantak

पणजी: राज्यात (Goa) नव्या कोरोना (Covid-19) रुग्णांची संख्या कमी होत आहे. मात्र, गेल्या दोन दिवसात सलग 5 कोरोनाबाधितांचा मृत्यू झाल्यामुळे एका बाजूला दिलासा मिळत असताना दुसरीकडे काहीशी चिंताही वाढली आहे. राज्यात कोरोना पॉजिटीव्हीटी दर 2 टक्क्यांवर आलेला आहे. त्यामुळे आरोग्य खाते काही प्रमाणात समाधानी आहे. (5 corona victims died in two consecutive days In Goa)

दुसरीकडे राज्यात मोठ्या प्रमाणात लसीकरणही (Vaccination) सुरू आहे. आरोग्य खात्याने दिलेल्या माहितीनुसार, आज 3,753 कोरोना चाचण्या करण्यात आल्या. जाहीर अहवालानुसार काल 97 नवे कोरोनाबाधित सापडले, तर 129 कोरोनाबाधित बरे झाले. काल 5 कोरोनाबाधितांचा मृत्यू झाल्यामुळे राज्यात कोरोनामुळे मरण पावलेल्यांची संख्या 3,123 झाली आहे. आजच्या दिवशी 1,376 सक्रिय कोरोनाबाधित असून कोरोनाबाधित बरे होण्याची टक्केवारी 97.36 वर पोचली आहे.

9,116 जणांचे लसीकरण : राज्यात 18 वर्षांवरील कोरोना प्रतिबंधक लसीकरणाला चांगला प्रतिसाद मिळत आहे. आतापर्यंत 18 वर्षांवरील 12,14,125 नागरिकांचे लसीकरण झाले आहे. यात पहिला डोस 9,82,966 नागरिकांनी घेतला असून 2,31,159 जणांनी दोन्ही डोस घेतले आहेत. 22 रोजी 9,116 लसीकरण झाले. त्यात 4,229 नागरिकांनी लसीचा पहिला डोस, तर 4,887 नागरिकांनी दुसरा डोस घेतला आहे.

कुळे स्थानकातील 12 पोलिस कोरोनाबाधित

कुळे पोलिस स्थानकाशी संबंधित बारा पोलिस कर्मचाऱ्यांना कोरोनाची लागण झाल्याचे स्पष्ट झाले आहे. सर्व कोविडबाधित पोलिस कर्मचारी सुरक्षित असून लक्षणविरहीत असल्याने त्यांना घरीच अलगीकरणात ठेवण्यात आले असल्याची माहिती पोलिस सूत्रांनी दिली आहे. या पोलिस कर्मचाऱ्यांनी कोविडविरोधी लसही घेतली होती. मात्र, त्यांना लागण झाल्याने खळबळ उडाली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com