Goa: मोदी सरकारचा एक निर्णय आणि पेट्रोल पंप मालकांचे 6 कोटींचे नुकसान

गोव्यात (Goa) केंद्र सरकारपाठोपाठ आता राज्य सरकारनेही पेट्रोल आणि डिझेलवर आकारण्यात येणाऱ्या करात कपात केली आहे
Petrol pump
Petrol pumpDainik Gomantak

नरेंद्र मोदी सरकारने(Narendra Modi) देशभरातील पेट्रोल (Petrol) आणि डिझेलच्या (Diesel) किमतींवरील उत्पादन शुल्क कमी करण्याची घोषणा 3 नोव्हेंबर रोजी केली होती. केंद्र सरकारने डिझेलवरील उत्पादन शुल्क प्रति लिटर 10 रुपये आणि पेट्रोलवरील उत्पादन शुल्क 5 रुपयांनी कमी केले आहे. केंद्राच्या या निर्णयानंतर देशातील अनेक भाजपशासित राज्यांनीही त्यांच्या स्तरावर पेट्रोल आणि डिझेलवर आकारण्यात येणाऱ्या करात कपात केली आहे. केंद्र आणि राज्य सरकारने इंधनावर आकारण्यात येणारा कर कमी केल्यानंतर देशातील भाजपशासित राज्यांमध्ये पेट्रोल आणि डिझेलच्या दरात मोठी कपात करण्यात आली आहे.

गोव्यात (Goa) केंद्र सरकारपाठोपाठ आता राज्य सरकारनेही पेट्रोल आणि डिझेलवर आकारण्यात येणाऱ्या करात कपात केली आहे. केंद्र आणि राज्य सरकारच्या या निर्णयानंतर गोव्यातील इंधन वितरकांचे सुमारे सहा कोटी रुपयांचे नुकसान झाले आहे. पेट्रोल पंप विक्रेत्यांनी शुक्रवारी ही माहिती दिली. ऑल गोवा पेट्रोल पंप डीलर्स असोसिएशनचे अध्यक्ष परेश जोशी (Paresh Joshi) म्हणाले की, राज्यातील सर्व 130 वितरकांचे सुमारे 6 कोटी रुपयांचे नुकसान झाले आहे.

Petrol pump
गोव्यात पेट्रोल 12 , तर डिझेल 17 रुपयांनी स्वस्त

दीपावलीपूर्वी पंपांना टाकी पूर्ण भरुन ठेवण्याचे आदेश देण्यात आले होते

ते म्हणाले की पेट्रोलियम कंपन्यांनी वितरकांना दिवाळीच्या पूर्वसंध्येला त्यांच्या टाक्या भरलेल्या ठेवण्यास सांगितले आहे कारण पुढील दोन दिवस फिलिंग टर्मिनल बंद राहणार आहेत. जोशी म्हणाले, “जेव्हा वितरकांनी त्यांचा साठा मर्यादित ठेवला होता, तेव्हा अचानक केंद्राने आणि नंतर राज्य सरकारने किमतीत कपात करण्याची घोषणा केली होती. यामुळे जुन्या दराने इंधन खरेदी करणाऱ्या वितरकांचे मोठे नुकसान झाले.”

केंद्राने 3 नोव्हेंबर रोजी उत्पादन शुल्कात कपात केल्यानंतर आणि त्यानंतर गोवा सरकारने व्हॅटमध्ये कपात केल्यानंतर पेट्रोलच्या दरात प्रतिलिटर 12 रुपये आणि डिझेलच्या दरात 17 रुपयांची घट झाली आहे. परेश जोशी म्हणाले की, बहुतेक वितरकांना त्यांच्या साठवण क्षमतेनुसार 10-12 लाख रुपयांचे नुकसान झाले आहे, जे सावरण्यासाठी त्यांना एक किंवा दीड महिना लागेल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com