गोव्यात संतापाची लाट: शिक्षकाकडून अल्पवयीन मुलीवर अत्याचार

पंधरा दिवसात बलात्काराची दुसरी घटना, म्‍हापसा पोलिसांनी ठोकल्‍या बेड्या
Goa Rape Case
Goa Rape CaseDainik Gomantak

म्हापसा: बार्देश तालुक्यातील म्हापसा (Mapusa) पोलिस (Police Station) स्थानकाच्या हद्दीत एका 47 वर्षीय ट्युशन घेणाऱ्या शिक्षकाने (Teacher) 7 वर्षीय बालिकेवर लैगिक अत्याचार (Rape) केल्याचा धक्कादायक प्रकार घडला. या शिक्षकाविरोधात म्हापसा पोलिसांनी गुन्हा दाखल करून सोमवारी रात्री त्याला अटक केली. दरम्‍यान, या प्रकारामुळे म्‍हापशात संतापाची लाट पसरली असून, संबंधित शिक्षकावर कडक कारवाई करण्‍याची मागणी होत आहे.

म्हापसा पोलिसांकडून मिळालेल्या माहितीनुसार, त्या मुलीच्या आईने रात्री पोलिसांत तक्रार दाखल केली. गेल्या चार-पाच दिवसांपासून मुलीचे ट्युशन घेण्यासाठी तो शिक्षक आपल्‍या घरी येत असे. घराच्‍या एका खोलीत तो ट्युशन घेत असे. या प्रकरणी त्या शिक्षकाला काल रात्री तात्काळ अटक करण्‍यात आली.

Goa Rape Case
Goa Night Club...तर पुण्यातील त्या दोघांचा अपघात टळला असता!

पंधरा दिवसांतील दुसरी घटना

म्हापसा पोलिस स्थानकाच्‍या हद्दीत घडलेली पंधरा दिवसांतील ही दुसरी घटना झालेली आहे. गेल्या आठवड्यात म्हापसा परिसरात राहणाऱ्या वडिलानेच आपल्या १४ वर्षीय मुलीवर लैंगिक अत्‍याचार केल्‍याचे उघड झाले होते. विशेष म्‍हणजे गेल्या चार वर्षांपासून तो हे कृत्‍य करीत होता. त्या मुलीने आपल्या बापाविरोधात म्हापसा पोलिसांत तक्रार दिली होती. त्या तक्रारीवरून पोलिसांनी तिच्या वडिलांना अटक केली होती.

Goa Rape Case
Goa: ‘एसओपी’तील निर्बंध मागे घेतल्याने पर्यटकांचा पूर

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com