Goa Congress Rebel : कामत, लोबोंसह एकूण 8 काँग्रेस आमदारांची भाजप प्रवेशाची घोषणा

मुख्यमंत्री डॉ. प्रमोद सावंत यांच्यासह झालेल्या बैठकीनंतर पत्रकारांसोबत बोलताना मायकल लोबो यांनी याबाबत घोषणा केली आहे.
Congress Rebel MLA to Join BJP
Congress Rebel MLA to Join BJPDainik Gomantak

Goa Congress Rebel : काँग्रेसच्या आठ आमदारांच्या गटाने आज मुख्यमंत्र्यांच्या उपस्थितीत भाजपमध्ये प्रवेश करत असल्याची घोषणा केली आहे. मुख्यमंत्री डॉ. प्रमोद सावंत यांच्यासह झालेल्या बैठकीनंतर पत्रकारांसोबत बोलताना मायकल लोबो यांनी याबाबत घोषणा केली आहे.

काँग्रेसमधील अंतर्गत गोंधळाला आम्ही कंटाळलो होतो. त्या पक्षात आपल्याच नेत्यांचे पाय खेचण्याचे प्रयत्न सुरु होते. त्यामुळे आम्ही भाजपमध्ये प्रवेश करण्याचा निर्णय घेतल्याचं मायकल लोबो यांनी स्पष्ट केलं आहे. तसंच आपल्या भाजप प्रवेशामुळे संपूर्ण बार्देश तालुक्यात आनंदाचं वातावरण असल्याचंही लोबो म्हणाले आहेत.

काँग्रेस आमदारांच्या भाजप प्रवेशामुळे गोव्यात भाजपची ताकद आणखी वाढली आहे. दिगंबर कामत यांनी सलग आठवेळा मडगावमधून विधानसभेचे आमदार म्हणून निवडून आले आहेत. आता कामत भाजपमध्ये आल्यामुळे काँग्रेसचा बालेकिल्लाही भाजपच्या ताब्यात आला असल्याचं तानावडेंनी जाहीर केलं आहे. त्यामुळे गोव्यात भाजपचं ऑपरेशन लोटस यशस्वी झालं आहे.

विरोधी पक्षनेत्यांच्या कार्यालयात चर्चा झाल्यानंतर मुख्यमंत्र्यांच्या दालनात काँग्रेस आमदारांनी चर्चा केली. भाजपमध्ये प्रवेश केलेल्या काँग्रेस आमदारांच्या गटामध्ये माजी मुख्यमंत्री आणि मडगावचे आमदार दिगंबर कामत यांच्यासह अन्य 7 आमदारांचा समावेश आहे. यात प्रामुख्याने मायकल लोबो, डिलायला लोबो, आलेक्स सिक्वेरा, संकल्प आमोणकर, केदार नाईक, राजेश फळदेसाई आणि रुडॉल्फ फर्नांडिस या काँग्रेसच्या आमदारांचा समावेश आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com