पणजी येथील सराफ दुकानातून सुमारे साडे तीन लाख रूपयांचे सोन्याचे ब्रेसलेट पळवून नेणाऱ्या संशयित चोरट्याला फातोर्डा पोलिसांनी शिताफीने विमानतळावर अटक केली. पोलिसांच्या या कारवाईचे कौतूक होत आहे. (Fatorda Police Arrested Gold Thief)
याबाबत पुंडलिक लोटलीकर यांनी तक्रार दिली होती. ते पणजीतील ब्ल्यू स्टोन ज्वेलरी शॉपमध्ये सेल्स एक्झिक्युटिव्ह म्हणून काम करतात. या दुकानात आलेल्या संशयित युवराज अगरवाल याने दागिने खरेदीच्या बहाण्याने सोन्याचे ब्रेसलेट पाहिले.
पण त्याने सोन्याच्या ब्रेसलेटचे पैसे न देताच ब्रेसलेट घेऊन पोबारा केला. 15.6 ग्रॅमच्या या सोन्याच्या ब्रेसलेटची किंमत 3 लाख 34 हजार रूपये इतकी आहे.
पुंडलिक लोटलीकर यांच्या ही गोष्ट लक्षात येताच त्यांनी तातडीने पोलिसांत धाव घेतली. फातोर्डा पोलिस ठाण्याचे पोलिस निरीक्षक जितेंद्र नाईका यांनी सांगितले की, चोरीनंतर पुंडलिक लोटलीकर यांनी दिलेल्या तक्रारीनुसार आम्ही संबंधित संशयिताचा माग काढायला सुरवात केली.
संशयित चोरट्याचे नाव युवराज अगरवाल असे आहे. तो मूळचा हैदराबाद येथील आहे.
पोलिसांनी माग काढल्यावर त्यांना युवराज अगरवाल हा पर्वरी, कळंगुट भागात असल्याचे समजले. त्यानंतर तो तिथून दाबोळी विमानतळाच्या दिशेने जात असल्याचे लक्षात आल्यानंतर पोलिसांच्या एका पथकाने त्याला विमानतळावर पकडले.
त्याच्याकडून चोरलेला मुद्देमाल हस्तगत केला आहे. त्याला अटक करण्यात आली आहे. त्याच्याकडे इतरही चोऱ्यांप्रकरणी चौकशी केली जात आहे. दरम्यान, फातोर्डा पोलिसांनी चपळाईन केलेल्या या कारवाईबद्दल त्यांचे कौतूक होत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
