'आप'च्या पहिल्या यादीत भंडारी, ख्रिस्तींना प्राधान्य

मतदारांचा आकर्षित करण्यासाठी आम आदमी पार्टीचा फंडा
'आप'च्या पहिल्या यादीत भंडारी, ख्रिस्तींना प्राधान्य
AAP Declares first list of candidates in GoaDainik Gomantak

पणजी : आम आदमी पार्टीने गोवा विधानसभा निवडणुकीसाठी उमेदवारांची पहिली यादी जाहीर केली आहे. मात्र या यादीत भंडारी आणि ख्रिस्ती उमेदवारांना प्राधान्य दिलं आहे. काल शुक्रवारी जाहीर केलेल्या यादीत 4 भंडारी समाजातील तर 4 ख्रिस्ती उमेदवारांचा समावेश आहे. त्यामुळे निवडणुकीसाठी आपने वेगळं कार्ड खेळल्याची चर्चाही रंगू लागली आहे.

AAP Declares first list of candidates in Goa
माझ्या निवृत्तीच्या चर्चा निराधार : प्रतापसिंग राणे

आपने (Aam Aadmi Party) उमेदवारी दिलेल्या माजी मंत्री एलिना साल्ढाणा यांनी भाजपला (BJP) सोडचिठ्ठी देत आपमध्ये प्रवेश केला होता. त्यांना उमेदवारी देत कुठ्ठाळी भागातील ख्रिस्ती वर्गाला आकर्षित करण्याचा प्रयत्न आपने(AAP) केला आहे. यासोबतच नावेलीत प्रतिमा कुतिन्हो, बाणावलीत वेन्झी व्हिएगस, आणि कुडतरीमध्ये डॉमनिक गावकर या ख्रिस्ती उमेदवारांनी आपने निवडणुकीच्या रिंगणात उतरवलं आहे.

AAP Declares first list of candidates in Goa
निर्बंधांमुळे भाजपचा घरोघरी जाऊन प्रचार; विरोधी पक्षांची रणनीती काय?

दुसरीकडे शिरोड्यातून माजी मंत्री महादेव नाईक, पर्ये मतदारसंघात विश्वजीत कृष्णराव राणे, दाबोळीत मगोपमधून आपमध्ये दाखल झालेले प्रेमानंद नाणोस्कर, वाळपईमध्ये सत्यविजय नाईक या भंडारी समाजाच्या उमेदवारांना आपने संधी दिली आहे. गोव्यात आपचे सरकार स्थापन झाल्यास भंडारी समाजाचा मुख्यमंत्री होईल अशी घोषणा आपचे सर्वेसर्वा आणि दिल्लीचे मुख्यमंत्री अरविंद केजरीवाल (Arvind Kejriwal) यांनी केली होती. आता निवडणुकीतही भंडारी समाजाच्या उमेदवारांना आपकडून संधी दिली जात आहे. पुढील याद्यांमध्येही आपकडून भंडारी समाजातील उमेदवारांना संधी मिळण्याची शक्यता आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com