गोव्यातील रेल्वे दुपदरीकरण प्रकल्प पूर्णत: रद्द करण्याची ‘आप’ची मागणी

सर्वोच्च न्यायालयाने पाहणी करावी अशी विनंती
गोव्यातील रेल्वे दुपदरीकरण प्रकल्प पूर्णत: रद्द करण्याची ‘आप’ची मागणी
AAP Dainik Gomantak

पणजी: राज्‍यातील रेल्वे दुपदरीकरण प्रकल्प पूर्णपणे रद्द करण्याची मागणी आम आदमी पक्षाने आज केली. शिवाय दक्षिण गोव्यातील गावांमधून जाणाऱ्या रेल्वे दुपदरीकरण प्रकल्प मार्गाची सर्वोच्च न्यायालयाने पाहणी करावी अशी विनंतीही पक्षाने केली आहे.

पणजी येथील ‘आप’च्‍या कार्यालयात आयोजित पत्रकार परिषदेत बोलताना पक्षाच्‍या नेत्‍या आणि माजी मंत्री एलिना साल्‍ढाणा यांनी दक्षिण पश्चिम रेल्वेला कॅसल रॉक-कुळे रेल्वे दुपदरीकरण प्रकल्पासाठी राष्ट्रीय वन्यजीव मंडळांनी दिलेली पर्यावरणीय मान्यता सर्वोच्च न्यायालयाने रद्द केल्याबद्दल आभार मानले. त्या म्हणाल्या, आता दक्षिण गोव्यातील गावांमधून जाणाऱ्या रेल्वे दुपदरीकरण प्रकल्प मार्गाच्या परिणामांबाबत प्रश्न उपस्थित होतो. या मार्गाचा तेथे राहणाऱ्या लोकांवर काय परिणाम होईल?, ज्या वातावरणात ते राहतात त्या पर्यावरणावर काय परिणाम होईल? असे प्रश्‍‍न त्‍यांनी उपस्‍थित केले.

AAP
'प्रकल्‍प रद्द होईपर्यंत गोव्यात आंदोलन राहणार सुरूच'

‘आप’चे उपाध्यक्ष वाल्मिकी नाईक यांनी या प्रकल्पांविरोधात युवकांनी सातत्याने लढा दिल्याबद्दल आणि हा राष्ट्रीय मुद्दा बनवल्याबद्दल त्यांचे कौतुक केले. राष्ट्रीय वन्य जीव मंडळाने वास्तविकता तपासल्याशिवाय ऑनलाईन बैठकीदरम्यान परवानगी दिली होती याकडेही त्‍यांनी लक्ष वेधले. या प्रकल्पाला सीईसीने अकार्यक्षम, अन्यायकारक आणि विनाशकारी असे म्हटले आहे. सीईसीने असेही नमूद केले आहे की हा प्रकल्प गोव्यासारख्या लहान राज्यासाठी अनावश्यक आहे. या प्रकल्पाचा हेतू कधीच गोमंतकीयांच्या हितासाठी नव्हता आणि सुप्रीम कोर्टाच्या निर्णयाने आम्ही सर्व योग्य असल्याचे सिद्ध केले आहे, असे नाईक म्‍हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.