Venzy Viegas : सांडपाणी शुध्दीकरण प्रकल्पातून अजूनही दूषित पाणी साळ नदीत सोडले जात असल्याचा आरोप बाणावलीचे आमदार वेंझी विएगस यांनी केला असून हा प्रकार बंद झाला नाही तर पर्यावरण मंत्री निलेश काब्राल यांना कोर्टात खेचू असा इशारा त्यांनी दिला.
आज सायंकाळी या प्रकल्पातून शुध्दीकरण न केलेले पाणी सरळ साळ नदीत सोडून दिल्याचे लक्षात आल्यावर स्थानिक युवकांनी विएगस यांना तिथे बोलावून घेतले. आपण आल्याचे कळल्यावर हे दूषित पाणी सोडणे बंद केले असा दावा त्यांनी केला.
मी नोव्हेंबर महिन्यात हा प्रकार उघडकीस आणला होता. मात्र, अजूनही तो चालूच आहे. वास्तविक हे प्रदूषण बंद करणे प्रदूषण नियंत्रण मंडळाची जवाबदारी आहे.
पण ते ही जबाबदारी पूर्ण करत नाहीत. मंडळाच्या सदस्य सचिवांवर याप्रकरणी तुरुंगात जाण्याची पाळी येणार याची जाणीव त्यांनी ठेवावी असाही इशारा त्यांनी दिला.
मागच्या नोव्हेंबर महिन्यात विएगस यांनी साळ नदीत सांडपाणी सोडले जाात असल्यामुळे ती कशी प्रदूषित होत आहे हे उघडकीस आणले होते. त्यावेळी त्यांनी काब्राल यांच्यावर कारवाई करावी अशी मागणी केल्यानंतर त्यांच्यात आणि काब्राल यांच्यात मोठा वादही झाला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
