Abandoned Vehicles in Vasco: बेवारस वाहने भंगारात जमा; मुरगाव नगरपालिकेची कारवाई

वास्कोत अनेक सरकारी कार्यालयांची वाहने भंगार अवस्थेत रस्त्यावर चार ते पाच वर्षापासून धूळ खात पडली आहेत.
Vasco
Vasco Dainik Gomantak

वास्कोतील रस्त्यावर गेल्या अनेक वर्षापासून बेवारस अवस्थेत असलेल्या दुचाकी, चारचाकी व इतर वाहनावर मुरगाव नगरपालिके तर्फे कारवाई करण्यात आली. बेवारस वाहने उचलून भंगारात टाकण्यात आल्याची माहिती पालिकेतर्फे देण्यात आली आहे. वास्कोतील रस्त्यावरील बेवारस वाहनांची ओळख पटवून वाहतुक पोलिसांनी वाहन व त्या वाहनांचे क्रमांक मुरगाव नगरपालिकेला सादर केले होते. त्या आधारावर पालिके मार्फत कारवाई केली असल्याची माहिती मुरगावचे नगराध्यक्ष लिओ रॉड्रिगीस यांनी दिली.

Vasco
Vasco Dainik Gomantak
Vasco
Vasco Murmugao: थकबाकी भरा, स्वच्छता राखा, अन्यथा कारवाईला सामोरे जा; नगराध्यक्ष लिओ रॉड्रिग्स

मुरगाव नगरपालिकेच्या विविध प्रभागात मोठ्या प्रमाणात बेवारस स्थितीमधील वाहने अनेक वर्षापासून रस्त्यावर पार्क केलेली आहेत. या बेवारस वाहनामुळे वाहतूकीला अडथळा निर्माण होतो. यामुळे पालिका प्रभागासोबत वास्कोतील स्वतंत्रपथ मार्ग, एफएल गोम्स मार्ग, दत्तात्रेय मार्ग, डॉ. लुईस मार्ग यासह महत्वाच्या रस्त्यावर अतिक्रमण केले आहे.

वास्को वाहतुक पोलिसांनी बेवारस वाहनांविरोधात मोहीम सुरू करून, या वाहनांवर कारवाईसंबधिची कागदपत्रे मुरगाव नगरपालिकेला सादर केली. मुरगाव नगरपालिका व वास्को वाहतुक पोलिसांनी आज (गुरुवार, दि.09) शहरातील बेवारस वाहनावर कारवाई केली. यापुढेही शहरातील बेवारस वाहनांवर कारवाई करून भंगारात टाकण्यात येईल असे नगराध्यक्ष लिओ रॉड्रिगीस यांनी सांगितले.

Vasco
Goa Corona Update: गोव्यात आज केवळ 09 कोरोना रूग्णांची नोंद, 21 डिस्चार्ज

वास्कोत अनेक सरकारी कार्यालयांची वाहने भंगार अवस्थेत रस्त्यावर चार ते पाच वर्षापासून धूळ खात पडली आहेत. या वाहनांवर सुद्धा मुरगाव नगरपालिकेने कारवाई करावी अशी मागणी होत आहे. मुरगाव तालुका सहाय्यक वाहतुक संचालकाच्या कार्यालयासमोर अंदाजे पाच वाहने भंगार अवस्थेत आहे. यात मुरगाव गटविकास कार्यालया बरोबर मुरगाव नियोजन विकास प्राधिकरणाची वाहने आहेत. तसेच शहरातील इतर ठिकाणी सरकारी वाहने अनेक वर्षा पासून बेवारस स्थितीत आहेत. यावर पालिकेने व वास्को वाहतुक पोलिसांनी कारवाई करावी. अशी मागणी केली जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com