अल्पवयीन मुलीचे अपहरण; संशयिताला हरियाणातून अटक

मालपे येथून अल्पवयीन मुलीला फुस लावून तिचे अपहरण केल्याप्रकरणी पेडणे पोलिसांनी अनिल रावत (21 रा. मूळ सतना मध्यप्रदेश व सध्या मालपे) याला रविवारी गुरगाव येथून हरियाणा पोलिसांच्या मदतीने अटक केली.
अल्पवयीन मुलीचे अपहरण; संशयिताला हरियाणातून अटक
Goa Crime NewsDainik Gomantak

पेडणे : मालपे येथून अल्पवयीन मुलीला फुस लावून तिचे अपहरण केल्याप्रकरणी पेडणे पोलिसांनी अनिल रावत (21 रा. मूळ सतना मध्यप्रदेश व सध्या मालपे) याला रविवारी गुरगाव येथून हरियाणा पोलिसांच्या मदतीने अटक केली. तर फूस लावून पळवून नेलेल्या अल्पवयीन मुलीलाही ताब्यात घेतले. संशयित एमव्हीआर कंपनीत मजूर म्हणून काम करतो.

Goa Crime News
महिलांसाठी सरकारच्‍या विविध योजना : विश्‍‍वजीत राणे

पोलिसांनी दिलेल्या माहितीनुसार मूळ बिहार येथील व एमव्हीआर कंपनीत मजूर म्हणून काम करणाऱ्या एकाने अनिल रावतने आपल्या अल्पवयीन मुलीला पळवून नेल्याची तक्रार पेडणे पोलिस ठाण्यात दाखल केली होती. तक्रार दाखल होताच पेडणे पोलिसांनी तपास सुरू केला.

तपासात संशयित गुरगाव, हरियाणा येथे पळवून नेलेल्या मुलीसमवेत असल्याची माहिती मिळाली. त्यानंतर पेडणे पोलिस ठाण्याचे निरीक्षक विक्रम नाईक यांच्या नेतृत्वाखाली पोलिस निरीक्षक नवीन देसाई,सुमेधा नाईक,पोलिस कॉस्टेबल सागर खोर्जुवेकर यांचे पथक हरियाणा येथे गेले. तेथे हरियाणा पोलिसांच्या सहकार्याने संशयित व मुलीला ताब्यात घेतले.

पोलिस अधीक्षक शोभीत सक्सेना व पेडणे पोलिस उपअधीक्षक सिध्दांत शिरोडकर यांच्या मार्गदर्शनाखाली पेडणे पोलिस पुढील तपास करत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com