मालपे व वळपे येथे अपघात

Accident
Accident

पेडणे
सविस्तर माहितीनुसार, खडी घेऊन सावंतवाडीहून पणजीच्या दिशेने जाणारा एम एच ०७ - एच ०३३९ या क्रमांकाचा टिप्पर ट्रक मालपे येथील जंक्शनपासून काही अंतरावर पोचल्यावर ट्र्कचा मागचा टायर फुटला व पलटी होऊन पडला. पडल्यावर ट्रकच्या मागच्या चाकासहीत मागचा काही भागही तुटला. त्यातील मागची चाके व काही भाग महामार्गावर काही भाग मार्गाच्या दरीतील मध्यभागी, तर पुढची चाके व केबिनसह दरीत आणखी पुढे गेला. या केबिनमधे चालक बबन भालेकर व वाहक दिनेश केसरकर हे अडकून पडले. पेडणे अग्निशमन दलास ही माहिती मिळाल्यावर लगेच दलाच्या जवानांनी केबिनमध्ये अडकलेल्या चालक व वाहकाला बाहेर काढले.
याच दरम्यान वळपे येथे सरकारी कॉलेजजवळ राष्ट्रीय महामार्गावर गोव्याहून मुंबई येथे औषधे घेवून जाणारी एम एच ०४ - जी आर ८६९९ लॉरी पलटी झाली व लॉरीचा चालक शिवकुमार गुप्ता (मुंबई) हा केबिनमध्ये अडकून पडला. त्याला पेडणे अग्निशमन दलाच्या जवानांनी सुखरूप बाहेर काढले. पेडणे अग्निशमन दलाचे उपप्रमुख प्रशांत धारगळकर, चालक रामदास परब व प्रशांत सावळ देसाई, जवान सहदेव चोडणकर, विकास चौहान, शेखर मयेकर, अविनाश नाईक, प्रदीप आसोलकर, प्रजोत होबळे, मनोज साळगावकर व अमोल परब यांनी यासाठी चांगली कामगिरी बजावली.

संपादन - यशवंत पाटील

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com