अटल सेतूवर सलग दुसऱ्या दिवशी कारचा अपघात

रविवारी विचित्र अपघातानंतर अटल सेतूवर वाहनांच्या मोठ्या रांगा; वाहतुकीची कोंडी
अटल सेतूवर सलग दुसऱ्या दिवशी कारचा अपघात
Accident on Atal SetuDainik Gomantak

पणजी : गोव्यात अटल सेतूवर अपघातांची मालिका सुरुच आहे.‌ काल रविवारी रात्री झालेल्या तीन वाहनांच्या विचित्र अपघातानंतर आज पुन्हा एकदा या सेतूवर अपघात झाला आहे. एका भरधाव कारची वीजेच्या खांबाला धडक‌ बसल्याने भीषण अपघात झाला. अपघातात कारच्या दर्शनी भागाचं मोठं नुकसान झालं.

Accident on Atal Setu
नागवा हडफडेत अग्नितांडव; स्क्रॅपयार्ड जळून खाक

अटल सेतूवर एक खड्डा पडल्याची माहिती असून हा खड्डा चुकवण्याच्या नादात वाहनांचे अपघात होऊ लागले आहेत. त्यातच अटल सेतूवर केवळ चारहून अधिक चाकं असणाऱ्या वाहनांनाच प्रवेश असल्यामुळे बहुतांश वाहनं ही वेगात असतात. त्यामुळे अनेकदा चालकाचं वाहनावरील नियंत्रण सुटून अपघात होत असल्याचं दिसून आलं आहे. गेल्या 24 तासांमध्ये एकाच जागी 4 गाड्यांचा अपघात झाल्यामुळे पुलावरील वाहतुकीवर मोठं प्रश्नचिन्ह निर्माण झालं आहे.

Accident on Atal Setu
तीस वर्षांनंतर फोंड्यात नवीन कदंब बसस्थानक!

पणजी आणि पर्वरीला जोडणाऱ्या अटल सेतूवर रविवारी संध्याकाळी विचित्र अपघात झाला. यात दोन गोव्यातील वाहनं तर एक महाराष्ट्रातील वाहन अपघातग्रस्त झालं. रस्त्याच्या मधोमध खड्डा आल्याने कारचालकाने ब्रेक लावला. यामुळे कारच्या मागून येणाऱ्या दोन कारचालकांची समोरील कारला जोरदार धडक बसली. अपघातानंतर वाहतुकीची मोठी कोंडी पाहायला मिळाली. पोलिसांनी क्रेन आणून अपघातग्रस्त वाहनं बाजूला केल्यानंतर वाहतूक सुरळीत करण्यात आली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com