रूपा पारकर हत्येप्रकरणी कुडचडे पोलिसांकडून आरोपीला अटक

ही हत्या चोरीसाठी की अन्य कारणासाठी याचा शोध सुरू
रूपा पारकर हत्येप्रकरणी कुडचडे पोलिसांकडून आरोपीला अटक
Murder Case|Curchorem Police Dainik Gomantak

केपे : करमणे सावर्डे येथील रूपा पारकर (55) या महिलेचा खून प्रकरणी कुडचडे पोलिसांना नऊ दिवसांनी यश आले याप्रकरणी एकाला अटक करण्यात आली आहे. हा खुनी काकोडा भागातील असल्याची माहिती मिळाली आहे. मात्र पोलिसांनी त्याचे नाव अजून जाहीर केलेले नाही. हा खून होऊन बरेच दिवस झाल्याने लोकांमध्ये उलट सुलट चर्चेला उत आला होता. (Accused arrested by Curchorem police in Rupa Parkar murder case)

6 मे रोजी रूपा हिचा मृतदेह गुड्डेमळ सावर्डे येथील मुख्य रस्त्याच्या बाजूला जंगलात रस्त्यावर आढळून आला होता. मृतदेहाची ओळख दुसऱ्या दिवशी पटली होती पण रूपा हिचा खून कुणी व का केला हा प्रश्न अद्याप अनुत्तरीच आहे.

Murder Case|Curchorem Police
घरच्यांनी नाकारल्याने वृद्ध फुटपाथवर, भिकाऱ्यांसह स्थानिकांवर भीक मागण्याची वेळ

कुडचडे पोलिसांनी या खुनाचा छडा लावण्यासाठी सर्व प्रयत्न पणाला लावले होते व यासाठी खास चार शोध पथके तयार केली होती. खुन्याचा तपास लागत नसल्याने वरिष्ठ पोलिसही कुडचडे पोलीस स्थानकावर ठाण मांडून बसत होते.

कुडचडे पोलिसांनी या खुनाचा तपास लावण्यासाठी बऱ्याच लोकांच्या जबान्या सुद्धा पोलिसांनी घेतल्या होत्या. याप्रकरणी फॉरेन्सिक तुकडीने मृतदेह मिळालेल्या ठिकाणची व रूपा यांच्या घरी जाऊन तपासणी केली होती. रूपा हिच्या मृतदेहावर काही प्रमाणात दागिने होते ते पोलिसांना सापडले आहेत पण तिच्या अंगावर सोन्याचा हार होता. तो मात्र, पोलिसांना सापडला नसल्याने खून चोरीसाठी केला की अन्य कारणासाठी याचा शोध पोलीस घेत होते. खून प्रकरणी तपास लावण्यास पोलिसांना यश आले असल्याने लोकांनीही सुटकेचा श्वास सोडला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.