केरी पट्टेरी वाघ हत्या प्रकरणी आरोपींची निर्दोष मुक्तता

तेरा वर्षांनी पुराव्या अभावी न्यायालयाने केली निर्दोष मुक्तता
TIger News
TIger News Dainik Gomantak

वाळपई: 2009 संपुर्ण गोव्यात गाजलेल्या पट्टेरी वाघ हत्या प्रकरणात गुन्हा नोंद असलेल्या संशयीत आरोपींची पुराव्या अभावी निर्दोष मुक्तता आज सत्तरी प्रथम वर्ग न्यायालयाने केली आहे. त्यामुळे गेली तेरा वर्षे सुरू असलेल्या पट्टेरी वाघ प्रकरणाचा निकाल आज लागला आहे. 2009 साली फेब्रुवारी महिन्यात ही वाघ हत्या झाली होती. त्या प्रकरणात पट्टेरी वाघ हत्या प्रकरणी एक व्हिडीओ व्हायरल झाला होता. ( Accused in Keri tiger case )

या गुन्हांतील संशयित गणेश माजीक, नागेश माजीक, सूर्यकांत माजीक, अंकुश माजीक व भिवा गावस संशयित आरोपींना जामीन मिळाला होता. मिळालेल्या माहितीनूसार 2009 साली गावातील काही जणांनी रानटी प्राण्यांची शिकार करण्यासाठी सापळा लावला होता. त्या सापळ्यात पट्टेरी वाघ सापडला व तो वाघ पंधरा दिवस तसाच राहिला. व वाघ सापळा घेऊनच फिरत होता.

TIger News
गोव्यात मान्सूनची वाटचाल वेळेआधीच; येत्या दोन-तीन दिवसांत पावसाची शक्यता

ज्या लोकांनी सापळा लावला होता ते लोक जेव्हा त्या जागेवर पोहोचले तेव्हा त्यांना पट्टेरी वाघ दिसला. त्या वेळी त्या वाघांची हत्या केली. ही गोष्ट उघडकीस आल्यानंतर एका इंग्रजी दैनिकात बातमी प्रसिद्ध झाली व खळबळ माजून गेली होती. हे प्रकरण राष्ट्रीय पातळीवर गेल्यावर केंद्रीय वनखात्याच्या मार्फत चौकशी सुरू झाली.

या प्रकरणी संशयितांवर गुन्हा नोंद करून त्यांना ताब्यात घेतले होते. यांना जामीन मंजूर झाला होता व आज तेरा वर्षांनी त्यांना पुराव्या अभावी न्यायालयाने निर्दोष सोडण्यात आले आहेत. याबाबत पर्यावरण प्रेमी राजेंद्र केरकर म्हणाले ही वाघ हत्या टळली असती. पट्टेरी वाघ सापळा घेऊन फिरत असल्याची माहीती जर लोकांनी वनखात्याला दिली असती. तर वेळेत हालचाली होऊन वाघाला सापळ्यातून मुक्तता करीत वाचविता आले असते. पण काहींनी तसे न करता वाघाला बंदुकीने ठार मारले गेले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com