बांबोळी मनोरुग्ण इस्पितळातून आरोपी शहाबुद्दिन शेखचे पलायन

आगशी पोलिसांनी दिलेल्या माहितीनुसार आरोपी शहाबुद्दिन शेख हा कोलवाळ येथील तुरुंगात होता.
Accused Shahabuddin Sheikh escapes from Bambolim Psychiatric Hospital
Accused Shahabuddin Sheikh escapes from Bambolim Psychiatric HospitalDainik Gomantak

पणजी: आज पहाटे साडेपाचच्या सुमारास बांबोळी येथील मनोरुग्ण इस्पितळाच्या (IPHB) शौचालय खिडकीतून आरोपी शहाबुद्दिन शेख (23) याने पलायन केले. याप्रकरणी आगशी पोलिस स्थानकात गुन्हा दाखल करण्यात आला असून त्याचा शोध घेतला जात असल्याची माहिती दिली. विविध भागातील वाहन चोरीप्रकरणी त्याच्यावर गुन्हे दाखल आहेत.

Accused Shahabuddin Sheikh escapes from Bambolim Psychiatric Hospital
पणजीत नरकासुराचे राज्य

आगशी पोलिसांनी दिलेल्या माहितीनुसार आरोपी शहाबुद्दिन शेख हा कोलवाळ येथील तुरुंगात होता. काही दिवसांपूर्वी त्याला मनोरुग्‍ण इस्पितळात उपचारासाठी दाखल करण्यात आले होते. आज पहाटेच्या सुमारास तो इस्पितळातील शौचालयात गेला. खूप वेळ झाला तरी शौचालयाचे दार बंद असल्याने इस्पितळातील कर्मचाऱ्यांना संशय आला. त्यांनी दार ठोठावले असता आतून आवाज येत नव्हता. त्यामुळे या शौचालयाच्या मागील बाजूने जाऊन पाहिले असता आतमध्ये कोणीही नव्हते. या खिडकीतून शहाबुद्दिन शेख याने पलायन केल्याचे लक्षात येताच त्याची माहिती पोलिसांनी देण्यात आली.

Accused Shahabuddin Sheikh escapes from Bambolim Psychiatric Hospital
गोव्यातील सर्वात वृद्ध महिलेचे वयाच्या 113 व्या वर्षी निधन

आरोपी शहाबुद्दिन शेख हा वास्को येथील असून त्याला अनेक वाहन चोरीप्रकरणात अटक झाली आहे. काही प्रकरणात त्याने चोरीची कबुली दिल्याने न्यायालयाने शिक्षा ठोठावली आहे तर काही प्रकरणांवरील खटले न्यायालयात प्रलंबित आहेत. काही दिवसांपासून मानसिक संतुलन बिघडल्याने त्याला उपचारासाठी दाखल केले होते. या मनोरुग्ण इस्पितळात सुरक्षारक्षक आहेत मात्र आवारातच सुरक्षा नसल्याचा फायदा उठवून तो पसार झाला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com