हॉटेल ‘सिली सोल्स’वर कारवाईचा बडगा शक्य

गटविकास अधिकाऱ्यांना कारवाईचे आदेश
 Smriti Irani Illegal Restaurant
Smriti Irani Illegal Restaurant Dainik Gomantak

पणजी: गल्लीपासून दिल्लीपर्यंत गाजत असलेल्या आसगाव येथील ‘सिली सोल्स कॅफे बार ॲण्ड रेस्टॉरन्ट’ यावर कायदेशीर कारवाई करा, असे निर्देश पंचायत संचालिका सिद्धी हळर्णकर यांनी बार्देश गटविकास अधिकाऱ्यांना दिले आहेत. यासंबंधीची तक्रार माहिती हक्क कार्यकर्ते ॲड. आयरिश रॉड्रिगीस यांनी पंचायत संचालकांकडे दिली होती. या तक्रारीला अनुसरून संचालिका हळर्णकर यांनी हे निर्देश दिले आहेत.

(Smriti Irani Illegal Restaurant)

 Smriti Irani Illegal Restaurant
राज्यातील सत्ताधारी भाजप सरकार अनेक पातळ्यांवर अपयशी; अमित पालेकर

माहिती हक्क कार्यकर्ते रॉड्रिगीस यांनी दिलेल्या माहितीनुसार, आसगाव येथील ‘सिली सोल्स कॅफे बार ॲण्ड रेस्टॉरन्ट’ला दिलेला बार परवाना बेकायदेशीर आहे. हे हॉटेल केंद्रीय मंत्री स्मृती इराणी यांच्या संबंधितांचे आहे आणि यासंबंधीची तक्रार अबकारी संचालकांकडे यापूर्वीच दिली आहे. त्यानुसार, त्यांनी संबंधित व्यावसायिकांना कारणे दाखवा नोटीस बजावली असून, 29 जुलै रोजी यासंबंधीची सुनावणी होत आहे. तर दुसरीकडे माहिती हक्क अधिकारातून मिळालेल्या माहितीनुसार हे रेस्टॉरन्ट उभारताना आसगाव पंचायतीकडून कोणत्याच प्रकारचा बांधकाम परवाना घेतलेले नाही. या परवान्याशिवाय हॉटेलमध्ये आणि हॉटेलबाहेर मोठ्या प्रमाणात बांधकाम करण्यात आलेले आहे.

इराणींसमोर अडचणी

कॉंग्रेसकडून माझी बदनामी सुरू आहे. माझी मुलगी महाविद्यालयीन शिक्षण घेत आहे, असे सांगत केंद्रीय महिला आणि बाल कल्याण मंत्री स्मृती इराणी यांनी यासंबंधीचे सर्व आरोप फेटाळून लावत कॉंग्रेसच्या प्रवक्त्यांसह इतर दोघांवर न्यायालयात खटला दाखल केला आहे. आता स्थानिक पातळीवर गोव्यात माहिती हक्क कार्यकर्ते ॲड. रॉड्रिगीस यांनी कारवाईसाठी दबाव आणणे सुरू केल्याने इराणी यांच्या समोरच्या अडचणी वाढल्या आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com