Ganesh Chaturthiच्या मुहूर्तावर गोव्यातील स्वीट मार्टवर कारवाई
Sweet MartDainik Gomantak

Ganesh Chaturthiच्या मुहूर्तावर गोव्यातील स्वीट मार्टवर कारवाई

कुडचडे तसेच केपेतही मिठाईची शॉर्ट डिलिव्हरी

सासष्टी: गणेश चतुर्थीच्या (Ganesh Chaturthi) पार्श्वभूमिवर वैद्यमापन खात्याने केपे व कुडचडे परिसरातील स्वीटमार्टमध्ये (Sweet Mart in Goa) केलेल्या पाहणीत कायद्याचे उल्लंघन करुन मिठाईची शॉर्ट डिलिव्हरी (short delivery of sweets) करणाऱ्या तीन स्वीटमार्टवर कारवाई केली.

ही कारवाई कुडचडे वैद्यमापन खात्याचे निरीक्षक विकास कांदोळकर यांच्या मार्गदर्शनाखाली करण्यात आली. वैद्यमापन खात्याने केलेल्या पाहणीत ग्राहकांना मिठाई करताना काही स्वीटमार्टमध्ये शॉर्ट डिलिव्हरी करण्यात येत असल्याचे आढळून आले आहे. अशा लहान वितरणामध्ये स्वीटमार्ट पॅकेटचे वजन विचारण्यात येत नसून याचा थेट फटका ग्राहकाना फटका बसतो.

Sweet Mart
Goa Ganesh Chaturthi 2021: गणेशोत्सव SOPचा 'तो' आदेश तात्काळ मागे

कुडचडे तसेच केपेत ही शॉर्ट डिलिव्हरी करणाऱ्या तीन स्वीटमार्टवर गुन्हे दाखल करण्यात आले आहे. स्वीटमार्टकडून करण्यात येणारे आर्थिक नुकसान टाळण्यासाठी ग्राहकांनी सतर्क राहणे आवश्यक आहे, असे आवाहन करण्‍यात आले आहे.

दरम्यान वजन आणि माप खात्याने शनिवारी दुपारी डिचोलीत एका हार्डवेअर दुकानावर धाड घालून बनावटरित्या विक्रीस ठेवलेला माल जप्त केला होता. यात ड्रील मशीन आदी पॉवर टूल साहित्य जप्त केले. येथील दीनदयाळ सभागृहाजवळील महालक्ष्मी सेल्स अँड सर्व्हिस या दुकानावर ही धाड घालण्यात आली होती. जप्त केलेल्या मालावर उत्पादक कंपनी, उत्पादन तारीख याची माहिती नमूद करण्यात आली नव्हती. काही टूलांवर किंमत नमूद करण्यात आली नव्हती. तर काही उत्पादनावरील किंमत काढून टाकण्यात आल्याचे आढळून आले आहे. सध्या ग्राहक खात्याची गोव्यात घडक मोहीम चालू असून ग्राहकांची होणारी फसवणूक दुर करण्याचे प्रयत्न चालू आहे.

Sweet Mart
Goa Mining Ban: खाण कंपन्यांना ‘सर्वोच्च’ दणका

Related Stories

No stories found.
Dainik Gomantak
www.dainikgomantak.com