Goa Politics: ‘आदर्श संसद ग्राम’च्या बैठकीला आमदार, खासदारांना डावलले!

आदर्श संसद ग्राम योजनेखाली निश्‍चित केलेल्या वेळ्ळी गावाचा विकास करण्यासाठी दक्षिण गोवा जिल्हाधिकाऱ्यांनी बैठक बोलावली त्याचे आमंत्रण न दिल्याने आमदार क्रुझ सिल्वा यांना नाराजी व्यक्त केली.
villege |Goa Politics
villege |Goa PoliticsDainik Gomantak

Goa Politics: आदर्श संसद ग्राम योजनेखाली निश्‍चित केलेल्या वेळ्ळी गावाचा विकास करण्यासाठी दक्षिण गोवा जिल्हाधिकारी ज्योती कुमारी यांनी बोलाविलेल्या बैठकीला आमदार क्रुझ सिल्वा यांना आमंत्रण न दिल्याने त्यांनी तीव्र नापसंती व्यक्त केली. तसेच खासदार सार्दिन यांनाही डावलले.

या बैठकीला मला अथवा जिल्हा पंचायत सदस्यांना आमंत्रण नव्हते. उलट मागच्या निवडणुकीत ज्यांचा सपशेल पराभव झाला, त्या भाजप प्रवक्ते सावियो रॉड्रिग्ज यांना आमंत्रण देण्यात आले होते, याकडे सिल्वा यांनी लक्ष वेधले आहे.

या बैठकीत रॉड्रिग्ज हे सरकारी अधिकाऱ्यांना सूचना करत होते आणि अधिकारी त्यांच्या तालावर नाचत होते, असे म्हणून अधिकृत कार्यक्रमांत या भाजप कार्यकर्त्यांची लुडबुड कशी खपवून घेतली जाते, असा सवाल सिल्वा यांनी केला आहे.

villege |Goa Politics
Water Sports: बेकायदेशीर व्यवहार रोखण्यासाठी ‘क्यू’ प्रणालीची सक्ती- पर्यटनमंत्री रोहन खंवटे

खासदार सार्दिनही नाहीत

आदर्श संसद ग्राम योजनेचे भाजप सरकारने राजकारण केले असून ही योजना राबविताना खासदार फ्रान्सिस सार्दिन यांनाही डावलण्यात आल्याने आपचे नेते वाल्मीकी नाईक यांनी म्हटले आहे.

नरेंद्र सावईकर हे दक्षिण गोव्याचे खासदार असताना वेळ्ळी गावाची या योजनेखाली निवड केली होती. आता सार्दिन हे दक्षिण गोव्याचे खासदार आहेत. ही योजना राबविताना त्यांना विश्वासात घेणे गरजेचे होते, असे नाईक यांनी म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com