दोन वर्षांच्या खंडानंतर पुन्हा साजरा होणार लोहिया मैदानावर क्रांतीदिन

मैदानाला नवा साज : मॉविन गुदिन्हो वाहणार श्रद्धांजली
दोन वर्षांच्या खंडानंतर पुन्हा साजरा होणार लोहिया मैदानावर क्रांतीदिन
Lohia Ground GoaDainik Gomantak

मडगाव : दोन वर्षांच्या खंडा नंतर यंदा पुन्हा एकदा मडगाव येथील ऐतिहासिक महत्व असलेल्या लोहिया मैदानावर क्रांतिदिन सोहळा उद्या 18 जून रोजी संपन्न होणार असून पंचायतमंत्री मॉव्हीन गुडीन्हो हे लोहियांच्या पुतळ्याला हार अर्पून श्रद्धांजली वाहणार आहेत.

Lohia Ground Goa
मराठीला हक्काचे स्थान मिळायलाच हवे; मराठीप्रेमींचा आग्रह

कोविडमुळे मागची दोन वर्षे या मैदानावर हा सोहळा साजरा करण्याचे सोपस्कार पार पाडले जायचे मात्र यंदा हा सोहळा पूर्ण जोमाने साजरा केला जाणार असून सकाळी गोवा मुक्ती चळवळीत आपल्या प्राणांची आहुती दिलेल्या स्वातंत्र्य सैनिकांना मानवंदना दिल्यानंतर शालेय विद्यार्थ्यांचा कार्यक्रम होणार असल्याची माहिती क्रांतिदिन सोहळा समितीचे अध्यक्ष अविनाश शिरोडकर यांनी दिली.

76 वर्षांपूर्वी गोव्यात विश्रांती घेण्यासाठी आलेले डॉ. राम मनोहर लोहिया यांनी 18 जून 1946 या दिवशी पोर्तुगीज सरकारचा भाषण बंदीचा हुकूम मोडून गोव्यात मुक्तीसाठीच्या क्रांतीची सुरवात याच ऐतिहासिक मैदानावरून केली होती. त्याच दिवसाची आठवण म्हणून आता हा क्रांतिदिन साजरा केला जात आहे.

येथील लोहिया मैदानाला नवा साज चढविण्यात आला असून शुक्रवारी सायंकाळपर्यंत या मैदानाच्या सजावटीवर शेवटचा हात फिरवत असल्याचे दृश्य दिसत होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com