Goa Politics: सावंत सरकारला ‘आप’च्या घोषणांची धास्ती

आता झाली गोव्याच्या मुख्यमंत्र्यांना शेतकऱ्यांची आठवण
Goa CM Pramod Sawant and rahul mhambre
Goa CM Pramod Sawant and rahul mhambreDainik Gomantak

पणजी: जुलै महिन्यात अरविंद केजरीवाल (Arvind Kejriwal) यांच्या गोवा (Goa) दौऱ्यावेळी त्यांनी राज्यातील शेतकऱ्यांना (Farmers) मोफत वीज देण्याची घोषणा केली होती. सावंत सरकारने तेव्हापासून या घोषणेची धास्ती घेतली असल्याची टीका आम आदमी पक्षाने केली आहे.

‘आप’ने शेतकऱ्यांना मोफत वीज देण्याचे आश्वासन दिल्यानंतरच मुख्यमंत्री डॉ. सावंत यांना शेतकऱ्यांची आठवण झाली. त्यामुळेच त्यांनी वीज समस्येची कबुली दिली. यापूर्वी गोव्याचे शेतकरी वर्षानुवर्षे मदतीची मागणी करत होते. इतर राज्यांप्रमाणे गोव्यातील शेतकऱ्यांचेही वेगवेगळ्या कारणांनी नुकसान होत आहे.

Goa CM Pramod Sawant and rahul mhambre
Goa Election: फडणवीसांपुढे उमेदवारी वाटपाचे आव्हान

दिलेल्या वचनावर पलटणारे म्हणून सावंत सरकार यांची ओळख आहे. गोव्यातील शेतकऱ्यांना मदतीची अपेक्षा असताना नुकतीच केलेली शेतकऱ्यांसाठी नवीन घोषणा इतर घोषणांप्रमाणे जुमला बनू नये, अशी अपेक्षा राज्य संयोजक राहुल म्हांबरे यांनी व्यक्त केली आहे. 11 हजार पंपांना वीज देण्याची योजना किंमत किमान 300 कोटींची असेल. यामध्ये घोटाळा होऊ नये, अशी अपेक्षाही त्यांनी व्यक्त केली. सरकारला सौर क्षमता वाढवण्यास तसेच शेतकऱ्यांचे उत्पन्न वाढवण्यास खरोखरच रस असेल तर आप त्यांना पूर्ण सहकार्य करून दिल्लीतील ‘आप’ची ‘मुख्यमंत्री किसान आय बढोतरी’ योजनेची माहिती देईल, असे ‘आप’ने जाहीर के्ले आहे.

केजरीवालांच्या योजनांचा अभ्यास करा

पहिल्यांदा ‘आप’ने शेतकऱ्यांना मदत जाहीर केली. जर डॉ. सावंत यांना खरोखर स्पर्धा करायची असेल तर त्यांनी अरविंद केजरीवाल यांच्या मुख्यमंत्री किसान योजनेचा अभ्यास करावा. या योजनेअंतर्गत शेतकरी सौर ऊर्जा संयंत्रांसाठी जमीन देतात, त्याबदल्यात त्यांना मोफत वीज मिळते. तसेच प्रतिएकर 1 ते 4 लाख रुपये मिळतात, अशी माहिती म्हांबरे यांनी दिली.

Goa CM Pramod Sawant and rahul mhambre
Goa Election: BJP विरोधात आघाडीसाठी शिवसेनेचे जोरात प्रयत्‍न !

सौर पंपांची योजना अपयशाची ग्वाही

‘मुख्यमंत्री किसान आय बढोतरी'' या योजनेअंतर्गत, शेतकरी सौर ऊर्जा संयंत्रासाठी जमीन पुरवतात, ज्यासाठी त्यांना मोफत वीज मिळते तसेच प्रतिएकर 1 ते 4 लाख उत्पन्न मिळते. या सर्व पार्श्वभूमीवर डॉ. सावंत यांनी सौर पंपांची केलेली घोषणा ही सरकारच्या अपयशाची ग्वाही देत असल्याची टीका ‘आप’चे गोवा संयोजक राहुल म्हांबरे यांनी केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com