Fire in Goa Paint Factory: पिळर्ण औद्योगिक वसाहतीमधील बर्जर बेकर कोटिंग या पेंट कंपनीस लाग लागल्यानंतर कारखान्याने 7 व्या दिवशी पुन्हा आग विझवण्यासाठी अग्निशमन दलाला बोलावले आहे.
दुस-या फेरीची आवश्यकता भासल्यास पिळर्ण इंडस्ट्रियल इस्टेट येथे अग्निशामक यंत्रणा पुन्हा दाखल होणार असल्याचे सांगण्यात येत आहे. तपासणीसाठी कारखान्याचे निरीक्षक घटनास्थळी पोहोचले आहेत.
माहितीनुसार, आठवड्याभरापूर्वी बर्जर कंपनीला आग लागली होती. अनेक दिवसांच्या अथक प्रयत्नांनंतर ही भीषण आग रोखण्यात आली होती. दरम्यान, आगीत नुकसान झालेले सामान इतरत्र पडून होते. त्यातून धूर येऊन आजची आग लागल्याचे सांगण्यात येत आहे.
तरी वेळीच खबरदारी घेत अग्निशमन दलाला बोलावण्यात आले असून आग विझवण्यात आली आहे. कंपनीचे निरीक्षक संपूर्ण घटनास्थळाची पाहणी करत असून अजून कुठे आग लागण्याची शक्यता आहे का हे तपासात आहेत.
दरम्यान, आठवडाभरापूर्वी या आगीमुळे हवेत सर्वत्र धुराचे प्रमाण वाढले होते. यामुळे राज्याच्या उत्तर गोवा जिल्हाधिकारी मामु हगे यांनी नागरिकांसाठी मार्गदर्शक तत्वे जाहीर केली होती. पिळर्ण येथील आगीच्या ठिकाणापासून दोन किलो मीटर परिघातील नागरिकांनी या मार्गदर्शक तत्वांचे पालन करण्याची सूचना जिल्हाधिकारी हगे यांनी केली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.