Goa Politics: आठ आमदार फुटल्यानंतर डॅमेज कंट्रोलसाठी प्रभारी दिनेश गुंडूराव गोव्यात दाखल

दिनेश गुंडूराव उरलेल्या काँग्रेस आमदारांची बैठक घेऊन विविध विषयांवर चर्चा करतील.
Goa Politics: आठ आमदार फुटल्यानंतर डॅमेज कंट्रोलसाठी प्रभारी दिनेश गुंडूराव गोव्यात दाखल

गोव्यातील राजकीय पटलावर बुधवारी मोठी घडामोड घडली. काँग्रेसमधील तब्बल आठ आमदार भाजपमध्ये दाखल झाले असून, आता केवळ तीन विद्यमान आमदार काँग्रेसकडे उरलेले आहेत. पक्षातील प्रमुख नेते भाजपमध्ये विलीन झाल्यानंतर, उरल्या-सुरल्या काँग्रेसच्या डॅमेज कंट्रोलसाठी गोव्याचे प्रभारी दिनेश गुंडूराव (Dinesh Gundurao) बुधवारी उशीरा रात्री गोव्यात दाखल झाले आहेत. दिनेश गुंडूराव उरलेल्या काँग्रेस आमदारांची बैठक घेऊन विविध विषयांवर चर्चा करतील.

Goa Politics: आठ आमदार फुटल्यानंतर डॅमेज कंट्रोलसाठी प्रभारी दिनेश गुंडूराव गोव्यात दाखल
गोव्यात 17 सप्टेंबरला किनारपट्टी स्वच्छता दिवस, 5 बीचवर केली जाणार स्वच्छता

दिनेश गुंडूराव पक्षातील प्रमुख नेते, कार्यालय प्रभारी यांची देखील भेट घेऊन चर्चा करणार आहेत. विधानसभा सदस्य तसेच पक्ष कार्यालय प्रभारी यांची भेट घेऊन बैठक घेतली जाईल. सध्या गोव्यातील परिस्थितीवर मला कोणतीही प्रतिक्रिया द्यायची नाही. यावर मी सविस्तर भाष्य करेन. अशी प्रतिक्रिया दिनेश गुंडूराव यांनी माध्यमांशी बोलताना दिली.

दरम्यान, दिनेश गुंडूराव यांनी काँग्रेस आमदारांनी केलेल्या बंडानंतर भाजप आणि बंडखोर काँग्रेस आमदारांवर तिखट शब्दात टिका केली. गोव्यातील जनतेने या आमदारांना काँग्रेसचे उमेदवार म्हणून मतदान केले. या आमदारांनी मंदीर, चर्च, दर्गा याठिकाणी भाजपमध्ये प्रवेश करणार नाही अशी शपथ घेतली. नेहमीच काँग्रेस सोबत राहू अशी संविधानाची शपथ देखील या आमदारांनी घेतली होती. पण, दिगंबर कामत, मायकल लोबो यांनी धोका अन् निर्लज्जपणाचा कळस गाठला आहे. असे गुंडूराव म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com