सिंगापूर सफारीची तिकिटे देताना हलगर्जीपणा केल्याने एअर इंडियाला दणका

ग्राहक तक्रार निवारण आयोगाचा 9 प्रवाशांना दिलासा
Air India
Air India Dainik Gomantak

मडगाव : सिंगापूर सफरीवर असताना प्रवाशांना योग्य प्रकारे तिकिटे न देऊन त्यांना मनस्ताप देण्याचा आरोप असलेल्या एअर इंडिया कंपनीला  उत्तर गोवा ग्राहक तक्रार निवारण आयोगाने दणका देताना 9 प्रवाशांना नुकसान भरपाई म्हणून प्रत्येकी 5 हजार तर अन्य दोन प्रवाशांना प्रत्येकी अतिरिक्त 10 हजार नुकसान भरपाई देण्याचा आदेश दिला.

Air India
आय-लीग फुटबॉल स्पर्धेत चर्चिल ब्रदर्सची अपराजित दौड

चिखली मुरगाव येथे राहणारे प्रदीप सावईकर व अन्य आठ जणांनी नुकसान भरपाईसाठी या आयोगासमोर दावा केला होता. सेबस्तीयन वालीस यांच्या अध्यक्षतेखाली वर्षा बाळे व आवरेलियानो ओलीव्हेरा या त्रिसदस्यीय आयोगाने एअर इंडियाच्या सेवेत कमतरता असल्याचे सिद्ध झाल्याने वरील आदेश दिला. त्याशिवाय हा दावा लढविण्यासाठी वकिलांची मदत घेतल्यामुळे वकिलांची फी म्हणून आणखी 15 रुपये देण्याचा आदेश दिला.

23 सप्टेंबर 2019 रोजी हा दावा पेश केला होता. एकूण 10 प्रवाशांनी गोवा - सिंगापूर व परत यासाठी तिकीट बुक केली असता दाबोळी विमानतळावर त्यांना कन्फर्म तिकिटे दिली नाहीत. त्यामुळे चेन्नई विमानतळावर पोहोचल्यावर त्यातील दोन प्रवाशांना दुसऱ्या विमानाने सिंगापूरला जावे लागले. त्यांचे सामान थेट सिंगापूरला उतरविण्याचे असतानाही ते चेन्नई विमानतळावर उतरविल्याने त्यांना नाहक त्रास सहन करावा लागला. या संबंधी एअर इंडियाकडे तक्रार केल्यावर ज्या दोन प्रवाशांना दुसऱ्या विमानातून प्रवास करावा लागला त्यांना प्रत्येकी 10 हजार नुकसान भरपाई देण्यात आली होती.

मात्र ही कमी नुकसान भरपाई मान्य नसल्याने या प्रवाशांनी उत्तर गोवा जिल्हा आयोगाकडे दावा पेश करताना झालेल्या मनस्तापासाठी प्रत्येक प्रवाशाला 20 रुपयांची तसेच ज्या दोन प्रवाशांना विमान कंपनीच्या चुकीमुळे ताटकळत राहावे लागले त्यांना प्रत्येकी 40 हजार रुपये नुकसान भरपाई आणि खटल्याचा खर्च म्हणून 25 हजार रुपये अतिरिक्त देण्याची मागणी केली होती.

मात्र एअर इंडियाने आपल्याकडून सेवेत कुठलीही कमतरता झाली नासल्याचा दावा करून प्रवाशांतर्फे मागितली जाणारी नुकसान भरपाई अती असल्याची भूमिका घेतली होती. मात्र त्या दोन प्रवाशांना नुकसान भरपाई देताना दाबोळी विमानतळावरील कर्मचाऱ्यांच्या चुकीमुळे घोळ झाला हे एअर इंडियाने मान्य केल्याने प्रवाशांचा दावा योग्य असल्याचे नमूद करीत आयोगाने अंशतः नुकसान भरपाई देण्याचा आदेश दिला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com