Goa Crime : हळदोणा येथे तीन दुचाकींच्या डिकी फोडून त्यातील महागडे फोन आणि रोख रक्कम लांबवणाऱ्या आरोपीच्या म्हापसा पोलिसांनी मुसक्या आवळल्या आहेत. अन्सारी नारंगी असं या 32 वर्षीय आरोपीचं नाव असून तो मडगावच्या राहणारा असल्याची प्राथमिक माहिती आहे. संशयिताकडून पोलिसांनी चोरी केलेला सर्व मुद्देमाल हस्तगत केला आहे.
याप्रकरणी पोंबुर्फा येथील लिसा डिक्रुझ यांनी 6 सप्टेंबर रोजी पोलिसांत तक्रार दाखल केली होती. यात 4 सप्टेंबर रोजी माससाठी पोंबुर्फा येथील मदर ऑफ गॉड्स चर्चजवळ पार्क केलेल्या तीन दुचाकींची डिकी फोडून चोरी केल्याचं नमूद करण्यात आलं होतं. यात तीन महागडे फोन आणि रोख रक्कम चोरल्याची तक्रार देण्यात आली होती. म्हापसा पोलिसांनी तक्रार दाखल करुन घेत तपास सुरु केला होता.
म्हापसा पोलिसांना या चोरी प्रकरणाचा छडा लावण्यात अखेर यश आलं आहे. पोलिसांनी मूळचा कर्नाटकमधील मात्र सध्या मडगावात हाऊसिंग बोर्ड परिसरात राहणाऱ्या अन्सारी चमनसाब नारंग याला मुद्देमालासह अटक केली आहे. आरोपीला कोर्टापुढे हजर केल्यानंतर त्याला दोन दिवसांची पोलीस कोठडी सुनावण्यात आली आहे. त्याच्याकडून तीन मोबाईल फोन आणि रोख रक्कम मिळून एकूण अंदाजे 45 हजार रुपयांचं सामान हस्तगत करण्यात आलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
