Goa Politics: राजकारण्यांविरुद्धचे सर्व खटले मडगावात

राज्यातील विविध न्यायालयांत राजकारण्यांविरुद्ध दाखल असलेले फौजदारी खटले आता दक्षिण गोवा प्रधान सत्र न्यायालयाकडे वर्ग करण्याचा निर्णय घेण्यात आला आहे.
Goa Politics|Court
Goa Politics|CourtDainik Gomantak

Goa Politics: राज्यातील विविध न्यायालयांत राजकारण्यांविरुद्ध दाखल असलेले फौजदारी खटले आता दक्षिण गोवा प्रधान सत्र न्यायालयाकडे वर्ग करण्याचा निर्णय घेण्यात आला आहे. या खटल्यांसाठी हे विशेष न्यायालय म्हणून नियुक्त केले आहे.

त्यामुळे बाबूश मोन्सेरात, माविन गुदिन्हो यांच्यासह इतर राजकारण्यांविरुद्धच्या खटल्यांवरील सुनावणी या न्यायालयात होणार आहे.

विशेष न्यायालय

राजकारण्यांविरुद्धच्या फौजदारी खटल्यांवरील सुनावणी लवकर होऊन निर्णय लागावा, यासाठी सर्वोच्च न्यायालयाने देशातील सर्व राज्यांना अशा खटल्यांसाठी विशेष न्यायालय नियुक्त करा, असे निर्देश दिले आहेत.

मात्र, गोव्यात त्याची अंमलबजावणी झाली नव्हती. मात्र, सर्वोच्च न्यायालयाने आपल्या निर्देशांचे पालन करण्याच्या सूचना केल्याने आता विशेष न्यायालय म्हणून दक्षिण प्रधान सत्र व जिल्हा न्यायालयाची नियुक्ती केली आहे.

Goa Politics|Court
Illegal Tourist Boats: बेकायदा पाच पर्यटक बोटी जप्त; कॅप्‍टन ऑफ पोर्टस्‌ची कारवाई

संशयितांमध्ये नाराजीचा सूर

मंत्री बाबूश मोन्सेरात व इतरांविरुद्धच्या पणजी पोलिस स्थानक हल्ला खटल्याची सुनावणी शुक्रवारी पणजी प्रधान सत्र न्यायालयात होणार होती. यावेळी ही सुनावणी न घेता दक्षिण प्रधान सत्र न्यायालयात होणार असल्याची माहिती न्यायालयाने दिली व त्यांना 31 रोजी सुनावणीस तेथे हजर राहण्याचे निर्देश दिले.

यामुळे या खटल्यातील संशयित अचंबित झाले. आता सुनावणीसाठी मडगावला जावे लागणार असल्याने संशयितांमध्ये नाराजीचा सूर उमटला. या सुनावणीस मोन्सेरात दाम्पत्य उपस्‍थित नव्हते. आजी-माजी आमदार-मंत्र्यांचे खटलेही मडगावात वर्ग केले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com