पणजी : गेल्यावर्षीच्या आंदोलनानंतर जीवरक्षकांना महामंडळात सामावून घेण्याचे आश्वासन गोवा पर्यटन विभागाने दिले होते. त्याची पूर्तता न झाल्याने जीवरक्षकांनी आज पर्यटन संचालकांच्या कार्यालयासमोर आंदोलन करत कार्यालयाला घेराव घातला.
सरकारने आश्वासन दिल्यानुसार जीवरक्षकांना गोवा मनुष्यबळ विकास महामंडळाच्या सेवेत घ्यावे अशी मागणी जीवरक्षक करत आहेत. दृष्टी मरीन कंपनीकडे गोव्यातील किनाऱ्यांवर जीवरक्षक पुरवण्याचे कंत्राट आहे. या कंपनीच्या कंत्राटी जीवरक्षकांना पुरेशा साधन सुविधा उपलब्ध नसताना जीवाची पर्वा न करता काम करावे लागते. यासाठी गेल्यावर्षीदेखील आंदोलने करणअयात आली होती, परंतु परिस्थिती सुधारण्याकरिता काहीच प्रयत्न केले गेले नाहीत.
गोव्यातील किनाऱ्यांवर पर्यटकांना काही गरज पडल्यास, दुखापत झाल्यास त्यांना मदत करण्यासाठी हे जीवरक्षक कायम तैनात असतात. गेल्या काही दिवसात गोव्यातील समुद्रकिनाऱ्यावरील जेली फिश ने पर्यटकांना दंश करण्याच्या घटनेत वाढ झाली होता, तेव्हादेखील या जीवरक्षकांकडून पर्यटकांना मोठ्या प्रमाणावर मदत करण्यात आली.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.