मडगावमध्ये अल्टो कारची दुचाकीला जोरदार धडक

अपघातात दोन तरुणी गंभीर जखमी झाल्या असून त्यांच्यावर दक्षिण गोवा जिल्हा रुग्णालयात उपचार सुरु आहेत.
Madgaon Accident
Madgaon AccidentDainik Gomantak

मडगाव : झुआरी पुलावरुन कार कोसळून झालेला अपघात ताजा असतानाच आता मडगावमध्येही अशाच प्रकारचा अपघात झाला आहे. अल्टो कारची दुचाकीला जोरदार धडक बसून अपघात झाला. यात दोन तरुणी गंभीर जखमी झाल्या असून त्यांच्यावर दक्षिण गोवा जिल्हा रुग्णालयात उपचार सुरु आहेत.

हा अपघात एवढा भीषण होता की दुचाकीवरील एका तरुणीच्या पायाला गंभीर इजा झाली आहे. तर दुसऱ्या मुलीचा डोळाच अपघातामध्ये बाहेर आल्याची माहिती आहे. मडगावातील रामनगरी रोडवर हा अपघात झाला असून जखमींमध्ये एका अल्पवयीन मुलीचाही समावेश आहे. दोन्ही जखमींना तातडीने दक्षिण गोवा जिल्हा रुग्णालयात हलवण्यात आले असून त्यांच्यावर उपचार सुरु आहेत. पोलिसांनी अल्टो चालकाला अटक केली असून तक्रार दाखल करण्याचे काम सुरु आहे.

Madgaon Accident
Goa Zuari Car Accident : झुआरी कार दुर्घटनेत चौघांचा मृत्यू

दरम्यान गोव्यात गुरुवार अपघातवार ठरला आहे. झुआरी पुलावरुन बुधवारी मध्यरात्री कार नदीत कोसळल्याने भीषण अपघात झाला आहे. तब्बल 12 तासांनंतर अपघातग्रस्त काळ्या रंगाची डस्टर कार बाहेर काढण्यात शोधपथकाला यश आलं आहे. आता कारमधील 4 मृतदेहही कारचा पत्रा कापून बाहेर काढण्यात आले आहेत. मृतदेहांची ओळखही पटवण्यात आली असून उत्तरीय तपासणीनंतर मृतदेह कुटुंबीयांच्या ताब्यात दिले जातील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com