‘कासारवर्णे’च्या रुग्णवाहिकांना लागला गंज...

सरकारचे दुर्लक्ष: भंगारात काढण्याची,वा दुरुस्तीची मागणी
‘कासारवर्णे’च्या रुग्णवाहिकांना लागला गंज...
Ambulances of Kasarwarnem got rustDainik Gomantak

मोरजी: पूर्व कासारवर्णे येथील हॉस्पिटल परिसरात असलेल्या रूग्णवाहिकांची दुर्दशा झाल्याचे तिथे भेट दिल्यावर आपल्या लक्षात येईल. या ठिकाणची वाहने गंजलेल्या स्थितीत आहेत. त्याकडे सरकारचे आणि आरोग्य खात्याचेही दुर्लक्ष झाल्याचा आरोप येथील लोकांकडून होत आहे.

पेडणे तालुक्यातील जनतेच्या आरोग्याची चांगल्या प्रकारे काळजी घ्यावी, या उद्देशाने सरकारने कासारवर्णे पूर्वा येथे आणि तुये येथे हॉस्पिटल उभारलेले आहे. या दोन्ही हॉस्पिटलच्या परिसरात अनेक वाहने गंजलेल्या आणि सडलेल्या अवस्थेत आहेत. ती भंगार अडड्यात का दिली जात नाहीत, किंवा त्याच्या दुरुस्तीकडे आरोग्य खाते दुर्लक्ष का करते, असा सवाल स्थानिक नागरिक उपस्थित करत आहेत.

Ambulances of Kasarwarnem got rust
बेतूलात दोन गटांत वाद; दर्ग्याला टाळे

कासारवर्णे पेडणे येथील प्राथमिक आरोग्य केंद्रात सात ते आठ रुग्णवाहिका गंजत पडल्या आहेत. एक ते‌ दोन सध्या रुग्णांच्या सेवेत आहेत. या वाहनांची योग्य ती विल्हेवाट न लावता आरोग्य केंद्राच्या परिसरात त्या तशाच उभ्या करून ठेवल्या आहेत. मोपा विमानतळ परिसरात कासारवर्णेचेच आरोग्य केंद्र आहे. कामगारांना प्रथमोपचारासाठी याच केंद्रात दाखल केले जाते. परंतु या आरोग्य केंद्राच्या परिसरात अनेक झुडपे वाढली आहेत. परिसरात स्वच्छता दिसत नाही. आरोग्यमंत्री विश्वजीत राणे यांनी यात लक्ष घालून केंद्राची सुधारणा करावी, अशी मागणी सडेकर यांनी केली आहे.

ग्रामपंचायतीच्या इमारतीसाठी याच परिसरातील जागा निश्‍चित करण्यात आली आहे. या परिसरात वाढलेल्या झुडपांची साफसफाई करावी. परिसर स्वच्छ असला तर रोगराई पसरण्याचा धोका उपचारासाठी आलेल्या रुग्णांना राहणार नाही. पावसाळयापूर्वी या परिसराची स्वच्छता करावी.

-मोहन सडेकर, कासारवर्णे रहिवाशी

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.