अमित पालेकर 'आप'चे मुख्यमंत्रीपदाचे उमेदवार

अरविंद केजरीवालांकडून भंडारी समाजाच्या चेहऱ्याला प्राधान्य
Amit Palekar Aam Aadmi Party's CM Candidate
Amit Palekar Aam Aadmi Party's CM CandidateDainik Gomantak

पणजी : गोवा विधानसभा निवडणुकीसाठी आम आदमी पार्टीने आपला मुख्यमंत्रीपदाचा उमेदवार जाहीर केला आहे. अमित पालेकर हे गोव्यात मुख्यमंत्रीपदाचे आम आदमी पार्टीचे उमेदवार असतील असं अऱविंद केजरीवाल यांनी जाहीर केलं आहे. गोव्यात काही पक्षांनी आपली सत्ता पैशाच्या माध्यमातून बनवली आहे. मात्र गोमंतकीय जनता त्याला कंटाळली आहे. त्यामुळेच दिल्लीसारखाच विकास गोव्यात करण्यासाठी आम आदमी पार्टी गोव्यात दाखल झाली आहे, असं अरविंद केजरीवाल यांनी जाहीर केलं आहे. (AAP CM Candidate News Update)

Amit Palekar Aam Aadmi Party's CM Candidate
संभाव्य उमेदवार अस्वस्थ, 'या' चार मतदारसंघात काँग्रेसचा अजूनही सस्पेन्स

गोव्याचा मुख्यमंत्रीपदाचा चेहरा हा नवा चेहरा असेल. एक अशी व्यक्ती जी गोव्यावर प्रेम करते, जी गोव्यासाठी आपलं जीवन देऊ शकते, अशी व्यक्तीच गोव्याची मुख्यमंत्रीपदी विराजमान व्हावी. गोव्याचा मुख्यमंत्रीपदाचा चेहरा सुशिक्षित असेल, समाजाची सेवा करणारा असावा, आणि प्रामाणिकही असावा, असंही अरविंद केजरीवाल (Arvind Kejriwal) यांनी म्हटलं आहे.

Amit Palekar Aam Aadmi Party's CM Candidate
'पक्षांतर टाळण्यासाठी काँग्रेस आमदारांवर बंधन लादणार'

गोव्यात (Goa) भंडारी समाज सर्वात मोठा आहे, मात्र त्यांच्यावर अन्याय झाला आहे. गोवा मुक्त झाल्यापासून केवळ एकदाच अडीच वर्षांसाठी मुख्यमंत्रीपद (CM) मिळाला. त्यामुळे त्यांच्यामध्ये एक अन्याय झाल्याची भावना आहे. आम्ही जातीपातीचं राजकारण करतो असा आरोप होतोय, मात्र आम्हाला प्रत्येक समाजाला न्याय द्यायचा आहे. त्यामुळे भंडारी समाजाचा उमेदवारच मुख्यमंत्रीपदासाठी योग्य असल्याचं केजरीवालांनी स्पष्ट केलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com