विश्वजित राणे यांना चिंतनाची गरज : अमित पाटकर

सरकारने जुने गोवेत लक्ष केंद्रित करावे : पाटकर
विश्वजित राणे यांना चिंतनाची गरज : अमित पाटकर
Vishwajit Rane and Amit Patkar NewsDainik Gomantak

पणजी : काँग्रेस प्रदेशाध्यक्ष अमित पाटकर आणि आरोग्यमंत्री विश्‍वजीत राणे यांच्यातील वाकयुद्ध थांबण्याचे चिन्ह दिसत नाही. राणे यांनी त्यांच्याबद्दल दिलेल्या प्रतिक्रियेला पाटकर यांनी आज प्रत्युत्तर दिले. मंत्री असूनही ज्या प्रकारच्या भाषेचा उपयोग राणे करतात ते अलोकतांत्रिक आणि अनैतिक आहे. त्यांच्यासारखे खालच्या पातळीवर जाऊन वैयक्तिक टीका आपण करणार नाही, असे पाटकर यांनी स्पष्ट केले. (Vishwajit Rane and Amit Patkar News)

Vishwajit Rane and Amit Patkar News
गोव्यात यलो अलर्ट जारी तर दिल्लीसह 'या' राज्यात उष्णतेच्या लाटेची शक्यता

राणे यांच्या वर्तनातून त्यांची चिडचिड होत असल्याचे दिसून येते, त्यासाठी त्यांनी चिंतन करायला जाण्याची आवश्‍यकता आहे, असा सल्ला पाटकर यांनी दिला.

जुने गोवे येथे आज ते पत्रकारांशी बोलत होते. यावेळी त्यांच्यासोबत सांताक्रूझचे आमदार रुडाल्फ फर्नांडिस, काँग्रेस पक्षाचे प्रवक्‍ते कॅ. विरियातो फर्नांडिस उपस्थित होते. जुने गोवे येथील वारसा स्थळात विवादीत बांधकामांच्या विरोधात आंदोलन करत असलेल्यांची काँग्रेस शिष्टमंडळाने भेट घेऊन त्यांचे मनोबल वाढवण्याचा प्रयत्न केला.

राणे यांना गोव्यातील वारसा वाचवायचा असेल, तर त्यांनी कळंगुटऐवजी येथे जुने गोवेत लक्ष केंद्रित करण्याची गरज आहे. कारण येथे वारसा स्थळात बेकायदेशीर बांधकाम झाले आहे. बऱ्याच काळापासून येथे लोक त्या बांधकामाला विरोध करत आहेत. राणे यांनी येथे भेट देऊन त्या बांधकामावर कारवाई करून दाखवावी, असे आव्हान पाटकर यांनी दिले.

ते पुढे म्हणाले की, बाह्यरेखा विकास आराखडे (ओडीपी) चुकीचे असल्याचे विधान राणे करत आहेत. आराखडे ज्या सरकारने केले, त्या सरकारात राणे मंत्री होते, तर आता त्यांच्या म्हणण्यानुसार आराखड्यांमध्ये चूक आहे. म्हणजे सरकारकडून चूक झाली आहे असा याचा अर्थ होतो.

दरम्यान, जुने गोवे येथे वारसा स्थळात बेकायदेशीर बांधकामाच्या विरोधात आंदोलन करत असलेल्यांना काँग्रेस प्रदेशाध्यक्ष अमित पाटकर यांच्या नेतृत्वाखाली पक्षाच्या शिष्टमंडळाने भेट दिली, परंतु यावेळी स्थानिक आमदार राजेश फळदेसाई अनुपस्थित होते. यासंदर्भात प्रश्‍न विचारला असता पाटकर यांनी स्पष्टीकरण दिले की, फळदेसाई यांना याबद्दल कळवण्यात आले होते. मात्र, काही कामानिमित्त ते दक्षिण गोव्यात असल्याने पोहोचू शकले नाहीत, असे सांगितले.

Vishwajit Rane and Amit Patkar News
कुठ्ठाळी संत्रात येथे रस्त्यावर माती आल्याने अपघाताची भीती

‘राणेंकडून कुडचडकरांचा अपमान’

आरोग्यमंत्री विश्‍वजीत राणे यांनी मी आमदार होण्यात अयशस्वी झालो, असे विधान करून ९ हजार 301 कुडचडकरांचा अपमान केला आहे. त्‍यांच्यावर कोणी काही बोलल्यास ते वैयक्तिक पातळीवर टीका करतात, परंतु मी त्या स्तराला जाणार नाही. त्यांना माझी गाडी हवी असेल, तर ते काही दिवसांसाठी घेऊन जाऊ शकतात, असा टोला काँग्रेस प्रदेशाध्यक्ष अमित पाटकर यांनी हाणला.

‘पाटकर यांनी संयम राखावा’

काँग्रेस प्रदेशाध्यक्ष अमित पाटकर यांनी संयम राखून बाह्य विकास आराखड्याच्या (ओडीपी) चौकशी अहवालाची प्रतीक्षा करावी. राजकारणातील नवशिक्याकडून मला सल्ल्याची आवश्‍यकता नाही. मी काय करत आहे याची जाणीव मला असून ते पारदर्शकपणे केले जात आहे, असा पलटवार आरोग्यमंत्री विश्वजीत राणे यांनी केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com