Tank In Mormugao: अमोनिया टाकी म्हणजे ‘टाइम बाँब’

सरकारने मॉकड्रिल व अमोनिया साठा टाकीच्या सुरक्षेसंबंधी संयुक्त तपासणी करण्याची गरज असल्याचे मुरगावचे आमदार संकल्प आमोणकर यांनी सांगितले.
Tank In Mormugao
Tank In MormugaoDainik Gomantak

Tank In Mormugao: जेटी येथील मुरगाव बंदर क्षेत्रामध्ये असलेली अमोनिया साठा टाकी म्हणजे एक ‘टाईम बाँब’ आहे. त्यामुळे सरकारने मॉकड्रिल व टाकीच्या सुरक्षेसंबंधी संयुक्त तपासणी करण्याची गरज असल्याचे मुरगावचे आमदार संकल्प आमोणकर यांनी सांगितले.

सडा येथे आपल्या कार्यालयात आयोजित केलेल्या लाडली लक्ष्मी योजनांची मंजुरीपत्रे लाभार्थ्यांना दिल्यावर ते पत्रकारांशी बोलत होते.

मुरगाव बंदरात अमोनिया टाकी असल्याने त्या ठिकाणी सर्वसामान्य नागरिक जाऊ शकत नाही. त्या अमोनिया टाकीसंबंधी नियमितपणे मॉकड्रिल झाल्याचे आम्ही ऐकले नाही.

ज्याप्रमाणे शहर भागातील इंधन साठवणुकीच्या टाक्या दुसरीकडे स्थलांतरित करण्यात आल्या, त्याप्रमाणे अमोनिया टाकीही हलविण्यात यावी. द्रव स्वरूपातील अमोनियाची टँकरद्वारे रस्तामार्गे वाहतूक केली जाते. त्यावेळी त्या टँकरच्या मागे एस्कॉर्ट व अग्निशमन दल असावे लागते. हा नियम पाळण्यात येत नसल्याचे ते म्हणाले.

Tank In Mormugao
Pariksha Pe Charcha : 'परीक्षा म्हणजे उत्सव असावा' -मुख्यमंत्री डॉ. प्रमोद सावंत

विधानसभा अधिवेशनात शून्य तासाला आपण अमोनिया टाकीचा प्रश्न उपस्थित केला होता. या टाकीच्या आसपास दाट लोकवस्ती आहे. त्यामुळे एखादी आपत्ती घडली, तर ती मुरगाव मतदारसंघालाच नव्हे, तर इतर परिसरही प्रभावित करू शकेल, असे ते म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com