डिचोली: डिचोली तालुक्‍यातील सुर्ला पंचायतीच्या उपसरपंचपदाची माळ अपेक्षेप्रमाणे अनिता कुंडईकर यांच्या गळ्यात पडली आहे. रिक्‍त उपसरपंचपदासाठी घेण्यात आलेल्या निवडणुकीत अनिता कुंडईकर यांची बिनविरोध निवड झाली.
सुरेखा खोडगिणकर यांनी उपसरपंचपदाचा राजीनामा दिल्याने हे पद रिक्‍त झाले होते. रिक्‍त पदासाठी निवडणूक घेण्यासाठी पंचायत कार्यालयात पंचायत मंडळाची बैठक घेण्यात आली. या बैठकीस अनिता कुंडईकर यांच्यासह भोला खोडगिणकर, सुरेखा खोडगिणकर आणि सुभाष फोंडेकर उपस्थित होते.
उपसरपंचपदासाठी अनिता कुंडईकर यांनी सादर केलेल्या अर्जावर सुचक आणि अनुमोदक म्हणून अनुक्रमे सुरेखा खोडगिणकर आणि सुभाष फोंडेकर यांनी सही केली. निर्वाचन अधिकारी म्हणून उपस्थित असलेले डिचोली गटविकास कार्यालयातील अधिकारी नवनाथ आमरे यांनी हा अर्ज ग्राह्य धरून कुंडईकर यांची उपसरपंचपदी बिनविरोध निवड झाल्याचे जाहीर केले.
निवडणूक प्रक्रिया सुरळीतपणे पार पडण्यास पंचायत सचिव प्रजानंद नाईक बोरकर यांनी सहकार्य केले. goa
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.