गोमंतक मराठा समाजाचा वर्धापनदिन 8 रोजी

महिलांसाठी स्टॉल: बक्षीस वितरण व बाजार दिन कार्यक्रमाचे आयोजन
Gomantak Maratha Samaj
Gomantak Maratha SamajDainik Gomantak

पणजी: गोमंतक मराठा समाजाचा 97 वा वर्धापनदिन 8 मे रोजी राजाराम पैंगीणकर सभागृहात होणार आहे. वर्धापनदिनाचे औचित्य साधून बाजारदिनाचे आयोजन करण्यात आले असून, गोव्यातील मराठा समाजातील महिलांचे स्टॉल येथे लावण्यात येणार असल्याचे गोमंतक मराठा समाजाच्या केंद्रीय महिला समितीच्या अध्यक्ष शुभदा कलंगुटकर यांनी सांगितले.

गोमंतक मराठा समाजाच्या कार्यालयात आयोजित पत्रकार परिषदेत त्या बोलत होत्या. यावेळी त्यांच्यासोबत कार्यक्रम संयोजिका रंगीता वाघुर्मेकर, सचिव मीलन कामुलकर तसेच केंद्रीय महिला संयोजक उत्कर्षा बाणास्तरकर उपस्थित होत्या.

Gomantak Maratha Samaj
डिचोलीतील रिक्षा, मोटारसायकल पायलट रस्त्यावर

बाणास्तरकर म्हणाल्या, वर्धापनदिनानिमित्त सकाळी सत्यनारायण महापूजा होणार आहे. त्यानंतर मुलांसाठी बक्षीस वितरण कार्यक्रमाचे आयोजन करण्यात आले आहे. सकाळी 9.30 ते सायंकाळी 4 वाजेपर्यंत महिला विविध वस्तू विक्रीसाठी स्टॉल लावणार आहेत.

बाजारदिनाचे उद्‌घाटन मडगावच्या माजी महापौर कमलिनी पैंगीणकर यांच्या हस्ते होणार आहे. हा कार्यक्रम केवळ मराठा समाजापुरताच मर्यादित नसून सर्वांनी या कार्यक्रमाला उपस्थिती लावावी, असे आवाहन बाणस्तरकर यांनी केले आहे.

Gomantak Maratha Samaj
'मोपा विमानतळ, आयुष हॉस्पिटलसाठी नोंदणी करा'

गोमंतक मराठा समाजाच्या केंद्रीय महिला समितीची स्थापना ऑक्टोबर 2021 मध्ये झाली. त्यासाठी प्रत्येक तालुक्यातील प्रतिनिधी निवडण्यात आले. महिलांमध्ये कौशल्य आहे मात्र त्यांना व्यासपीठ मिळत नसल्याचे आमच्या लक्षात आले. त्यामुळे या कार्यक्रमाचे आयोजन करण्यात आले आहे. प्रत्येक तालुक्यातून किमान 2 स्टॉल येथे लागणार आहेत. महिलांना आत्मनिर्भर करण्यासाठी वेगवेगळ्या प्रकारचे प्रशिक्षण देण्यासंबंधी आम्ही विचार करत आहोत, असे शुभदा कलंगुटकर यांनी सांगितले. वाघुर्मेकर यांनीही यावेळी विचार मांडले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com