कृषी मंत्र्याच्या घोषणेमुळे शहराचा ‘कायापालट’ होण्याची शक्यता

मास्टर प्लॅनचे फोंड्यात ‘स्वागत’
कृषी मंत्र्याच्या घोषणेमुळे शहराचा ‘कायापालट’ होण्याची शक्यता
Ravi Naik News UpdatesDainik Gomantak

मिलिंद म्हाडगुत

फोंडा: विद्यमान कृषी मंत्री रवी नाईक यांनी मास्टर प्लॅनची जी घोषणा केली, तिचे फोंडावासियांकडून स्वागत होत आहे. गेली दहा वर्षे फोंडा शहर उपेक्षित शहर म्हणून गणले जात आहे. 2007 ते 2012 पर्यंत म्हणजे रवी नाईक गृहमंत्री असताना या शहराच्या विकासाचा वेग गगनाला भिडला होता. पण 2012 साली रवींचा पराभव झाल्यानंतर या शहराकडे दुर्लक्ष करण्यात आले.

(announcement of the Minister of Agriculture is likely to 'transform' the city)

Ravi Naik News Updates
शेतजमिनीसह नाले बुजविल्याचा फटका रहिवाशांना

मध्यवर्ती ठिकाणी फोंडा असल्यामुळे या शहरात लोकांची सारखी ये-जा सुरू असते. त्यामुळेच या शहराला विकासाची नितांत आवश्यकता आहे. पण सुरुवातीची पाच वर्षे लवू मामलेदार हे मगोपचे आमदार असल्यामुळे व नंतरची पाच वर्षे रवी नाईक हे विरोधी पक्षाचे आमदार असल्यामुळे या शहराकडे सरकाराकडून दुर्लक्ष झाले. पण आता रवी परत निवडून येऊन कृषिमंत्री झाल्यामुळे या शहराच्या विकासाचा वेग वाढण्याची शक्यता निर्माण झाली आहे आणि रवींनी मास्टर प्लॅनची घोषणा केल्यामुळे ही शक्यता प्रत्यक्षात येण्याची संभावना अधोरेखित होत आहे.

शहराच्या मधोमध अधूनमधून खड्डे खणण्याचे कामही सुरू असते. कधी केबल वायर टाकण्याकरिता किंवा कधी गॅसवाहिनीकरिता हे खड्डे खणले जात असल्याचे सांगितले जाते. त्यावरही कृषिमंत्र्यांना लक्ष द्यावे लागेल. रवीने आपल्या उपमुख्यमंत्रिपदाच्या कारकिर्दीत बगल रस्ते सुरू केल्यामुळे फोंड्यातील वाहतुकीला थोडाफार आवर आला असला तरी आता वाहने वाढल्यामुळे पुन्हा वाहतूक नियंत्रणात आणणे कठीण होऊ लागले आहे.

प्लॅनची आवश्‍यकता

मास्टर प्लॅन घोषणेचे स्वागत केले पाहिजे. दहावर्षे फोंडा शहराकडे कुणीच गांभीर्याने बघितलेले नाही. फोंडा शहराचा मास्टरप्लॅन मूर्त स्वरूपात आणून फोंडा शहराचा कायापालट करावा, ते लवकरात लवकर आपल्या ‘मिशन’ मध्ये ‘कामयाब’ होतील, हीच अपेक्षा आहे, असे महादेव खानोलकर (माजी उपनगराध्यक्ष) यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com